| e-texts navigator |
| Wylie |
190b1 བར་བྱེད་པའོ།། ཤིན་ཏུ་རྣམ་པར་དག་པ་རྣམས་ཀྱི་ཡང་ཤིན་ཏུ་རྣམ་པར་དག་པའོ།། ཤིན་ཏུ་དག་བྱེད་རྣམས་ཀྱི་ཡང་ཤིན་ཏུ་དག་བྱེད་དོ།། ཤིན་ཏུ་འབྱོར་ལྡན་རྣམས་ཀྱི་ཡང་ཤིན་ཏུ་འབྱོར་ལྡན་ནོ།། ཤིན་ཏུ
190b2 བཀྲ་ཤིས་པ་རྣམས་ཀྱི་ཡང་ཤིན་ཏུ་བཀྲ་ཤིས་པའོ།། སྐྱབས་འདོད་པ་རྣམས་ཀྱི་སྐྱབས་སོ།། གནས་འདོད་པ་རྣམས་ཀྱི་གནས་སོ།། སྐྱོབ་མེད་པ་རྣམས་ཀྱི་སྐྱོབ་པའོ།། དཔུང་གཉེན་འདོད་པ་རྣམས་ཀྱི་དཔུང་གཉེན
190b3 ནོ།། གླིང་འདོད་པ་རྣམས་ཀྱི་གླིང་ངོ་།། འཁྲས་མེད་པ་རྣམས་ཀྱི་འཁྲས་བླ་ན་མེད་པའོ།། སྲིད་པའི་རྒྱ་མཚོའི་ཕ་རོལ་ཏུ་འགྲོ་བ་རྣམས་ཀྱི་གྲུའོ།། ནད་ཐམས་ཅད་སེལ་བའི་སྨན་གྱི་རྒྱལ་པོ་ཆེན་པོའོ།། བླང་བ་དང་།
190b4 དོར་བའི་དངོས་པོ་བྱེ་བྲག་ཕྱེད་པའི་ཤེས་རབ་ཉིད་དོ།། ལྟ་བ་ངན་པའི་མུན་པ་མུན་ནག་ཐམས་ཅད་སེལ་བའི་ཡེ་ཤེས་ཀྱི་སྣང་བའོ།། སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་བཞིན་ཡོངས་སུ་རྫོགས་པར་བྱེད
190b5 པའི་ཡིད་བཞིན་གྱི་ནོར་བུ་ལྟ་བུའོ།། འཇམ་དཔལ་ཡེ་ཤེས་ཀྱི་སྐུ་ཐོབ་པར་བྱ་བའི་ཐམས་ཅད་མཁྱེན་པའི་ཡེ་ཤེས་སོ།། སྤྱན་ལྔ་ཐོབ་པར་བྱ་བའི་ཡེ་ཤེས་མཐོང་བ་ཡོངས་སུ་དག་པའོ།། ཟང་ཟིང་དང་། མི་འཇིགས
190b6 པ་དང་། ཆོས་ཀྱི་སྦྱིན་པ་གཏོང་བའི་ཕྱིར།། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པའོ།། བསོད་ནམས་དང་ཡེ་ཤེས་ཀྱི་ཚོགས་དང་། ཏིང་ངེ་འཛིན་ཡོངས་སུ་རྫོགས་པའི་ཕྱིར་ས་བཅུ་ཐོབ་པའོ།། ཆོས་གཉིས་དང
iiif viewer powered by OpenSeadragon
