| e-texts navigator |
| Wylie |
188b1 ཁྱོད་ཀྱི་རྒྱུད་ལ་ཡང་གསང་སྔགས་ཐམས་ཅད་ཀྱི་ཆོས་ཉིད་ཀྱི་བྱིན་གྱིས་རླབས་ཀྱི་བྱིན་གྱིས་བརླབས་སོ།། ལག་ན་རྡོ་རྗེ་རྡོ་རྗེ་འཆང་། གཞན་ཡང་མིང་ཡང་དག་པར་བརྗོད་པ་འདི་ནི། ཐམས་ཅད་མཁྱེན་པའི་ཡེ
188b2 ཤེས་དང་། སྐུ་དང་གསུང་དང་ཐུགས་ཀྱི་གསང་བ་ཤིན་ཏུ་ཡོངས་སུ་དག་ཅིང་བྱང་བའོ།། སངས་རྒྱས་ཀྱི་བྱང་ཆུབ་བོ།། ཡང་དག་པར་རྫོགས་པའི་སངས་རྒྱས་རྣམས་ཀྱི་མངོན་པར་རྫོགས་པའོ།། བདེ་བར་གཤེགས
188b3 པ་རྣམས་ཀྱི་ཆོས་ཀྱི་དབྱིངས་བླ་ན་མེད་པ་ཐུགས་སུ་ཆུད་པའོ།། རྒྱལ་བ་རྣམས་ཀྱི་བདུད་ཀྱི་སྟོབས་ཐམས་ཅད་ཕམ་པར་མཛད་པའོ།། སྟོབས་བཅུ་དང་ལྡན་པ་ཐམས་ཅད་ཀྱི་སྟོབས་བཅུའི་སྟོབས་ཉིད་དོ།། ཐམས
188b4 ཅད་མཁྱེན་པ་རྣམས་ཀྱི་ཐམས་ཅད་མཁྱེན་པ་ཉིད་དོ།། ཆོས་ཐམས་ཅད་ཀྱི་ལུང་ངོ་།། སངས་རྒྱས་ཐམས་ཅད་ཀྱི་ཡང་དག་པར་བསྒྲུབ་པའོ།། བྱང་ཆུབ་སེམས་དཔའ་ཆེན་པོ་ཐམས་ཅད་ཀྱི་བསོད་ནམས་དང་ཡེ་ཤེས
188b5 ཀྱི་ཚོགས་ཡོངས་སུ་རྫོགས་པ།། དྲི་མ་མེད་ཅིང་ཤིན་ཏུ་རྣམ་པར་དག་པའི་སྐྱེ་གནས་སོ།། ཉན་ཐོས་དང་རང་སངས་རྒྱས་ཐམས་ཅད་ཀྱི་ཞིང་ངོ་།། ལྷ་དང་མི་ཐམས་ཅད་ཀྱི་ཕུན་སུམ་ཚོགས་པའོ།། ཐེག་པ་ཆེན་པོའི
188b6 གཞིའོ།། བྱང་ཆུབ་སེམས་དཔའི་སྤྱོད་པའི་འབྱུང་གནས་སོ།། འཕགས་པའི་ལམ་ཐམས་ཅད་ཀྱི་མཐའོ།། རྣམ་པར་གྲོལ་བ་རྣམས་བརྟག་པའོ།། ངེས་པར་འབྱུང་བའི་ལམ་སྐྱེ་བའི་གནས་སོ།། དེ་བཞིན་གཤེགས
iiif viewer powered by OpenSeadragon
