| e-texts navigator |
| Wylie |
181b1 ལོ་བསྒྱུར་བ་སྟོབས་པོ་ཆེ།། ཚོགས་ཀྱི་སློབ་དཔོན་ཚོགས་ཀྱི་མཆོག། ཚོགས་རྗེ་ཚོགས་བདག་དབང་དང་ལྡན།། མཐུ་ཆེན་གཅེས་པར་འཛིན་པ་སྟེ།། ཚུལ་ཆེན་གཞན་གྱི་དྲིང་མི་འཇོག། ཚིག་རྗེ་ཚིག་བདག་སྨྲ་མཁས
181b2 པ།། ཚིག་ལ་དབང་བ་ཚིག་མཐའ་ཡས།། ཚིག་བདེན་པ་དང་བདེན་པར་སྨྲ།། བདེན་པ་བཞི་ནི་སྟོན་པ་པོ།། ཕྱིར་མི་ལྡོག་པ་ཕྱིར་མི་འོང་།། འདྲེན་པ་རང་རྒྱལ་བསེ་རུའི་ཚུལ།། ངེས་འབྱུང་སྣ་ཚོགས་ལས་བྱུང
181b3 པབ།། འབྱུང་བ་ཆེན་པོ་རྒྱུ་གཅིག་པོ།། དགེ་སློང་དགྲ་བཅོམ་ཟག་པ་ཟད།། འདོད་ཆགས་བྲལ་བས་དབང་པོ་ཐུལ། བདེ་བ་རྙེད་པས་འཇིགས་མེད་ཐོབ།། བསིལ་བར་གྱུར་པས་རྙོག་པ་མེད།། རིག་པ་དང་ནི་རྐང
181b4 པར་ལྡན།། བདེ་གཤེགས་འཇིག་རྟེན་རིགས་པའི་མཆོག། བདག་གིར་མི་འཛིན་ངར་མི་འཛིན།། བདེན་པ་གཉིས་ཀྱི་ཚུལ་ལ་གནས།། འཁོར་བའི་ཕ་རོལ་མཐར་སོན་པ།། བྱ་བ་བྱས་པས་སྐམ་སར་གནས།། ཤེས
181b5 པ་འབའ་ཞིག་ངེས་གསལ་བ།། ཤེས་རབ་མཚོན་ཆས་རྣམ་འཇོམས་པ།། དམ་ཆོས་ཆོས་རྒྱལ་གསལ་བར་ལྡན།། འཇིག་རྟེན་སྣང་བར་བྱེད་པའི་མཆོག། ཆོས་ཀྱི་དབང་ཕྱུག་ཆོས་ཀྱི་རྒྱལ།། ལེགས་པའི་ལམ་ནི་སྟོན
181b6 པ་པོ།། དོན་གྲུབ་བསམ་པ་གྲུབ་པ་སྟེ།། ཀུན་ཏུ་རྟོག་པ་ཐམས་ཅད་སྤངས།། རྣམ་པར་མི་རྟོག་དབྱིངས་མི་ཟད།། ཆོས་དབྱིངས་དམ་པ་ཟད་མི་ཤེས།། བསོད་ནམས་ལྡན་པ་བསོད་ནམས་ཚོགས།། ཡེ་ཤེས་ཡེ་ཤེས
iiif viewer powered by OpenSeadragon
