| e-texts navigator |
| Wylie |
178b1 འཛིན་ལ་གནས།། ཞེས་བརྗོད་པས། དེ་བཞིན་གཤེགས་པ་ཐམས་ཅད་དབྱེར་མེད་པར་དགྱེས་ནས་དུས་བཞི་མཉམ་པ་ཉིད་ཀྱི་དབྱིངས། སྐུ་གསུང་ཐུགས་ལྷུན་སྟུག་པོ་བཀོད་པའི་རྒྱན་ཉིད་དུ་བཞུགས
178b2 སོ།། འཕགས་པ་རྟོག་པའི་རྒྱལ་པོ་སྒྱུ་འཕྲུལ་དྲ་བ་ལེའུ་སྟོང་ཕྲག་བརྒྱ་པ་ལས། མཚན་ཉིད་དང་རྒྱུད་ཐམས་ཅད་ཀྱི་ལུང་གི་སྤྱི།། དེ་བཞིན་གཤེགས་པ་ཐམས་ཅད་ཀྱི་གསང་བ། གསང་བའི་སྙིང་པོ་དེ་ཁོ་ན་ཉིད་ངེས
178b3 པ་ལས། རྒྱུད་གཏད་པའི་ལེའུ་སྟེ་བརྒྱད་པའོ།། །། @#།། རྒྱ་གར་སྐད་དུ།། ཨཱརྱ་མཉྫུ་ཤྲཱི་ནཱ་མ་སངྒཱི་ཏི། བོད་སྐད་དུ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ། འཇམ
178b4 དཔལ་གཞོན་ནུར་གྱུར་པ་ལ་ཕྱག་འཚལ་ལོ།། དེ་ནས་དཔལ་ལྡན་རྡོ་རྗེ་འཆང་།། གདུལ་དཀའ་འདུལ་བ་རྣམས་ཀྱི་མཆོག། དཔའ་བོ་འཇིག་རྟེན་གསུམ་ལས་རྒྱལ།། རྡོ་རྗེ་དབང་ཕྱུག་གསང་བའི་རྒྱལ།། པདྨ་དཀར
178b5 པོ་རྒྱས་འདྲའི་སྤྱན།། པདྨ་རྒྱས་པའི་གདན་ལ་བཞུགས།། རང་གི་ལག་གིས་རྡོ་རྗེ་མཆོག། ཡང་དང་ཡང་དུ་གསོར་བྱེད་པ།། ཁྲོ་གཉེར་རིམ་པར་ལྡན་ལ་སོགས།། ལག་ན་རྡོ་རྗེ་མཐའ་ཡས་པ།། དཔའ་བོ་གདུལ
178b6 དཀའ་འདུལ་བ་བོ། འཇིགས་སུ་རུང་དང་དཔའ་བྱད་ཅན།། རྡོ་རྗེ་རྩེ་མོ་རབ་འཕྲོ་བ།། རང་གི་ལག་གིས་གསོར་བྱེད་པ།། སྙིང་རྗེ་ཆེ་དང་ཤེས་རབ་དང་།། ཐབས་ཀྱིས་འགྲོ་དོན་བྱེད་པའི་མཆོག། དགའ་མགུ་རངས
iiif viewer powered by OpenSeadragon
