| e-texts navigator |
| Wylie |
178a1 དཔུང་རྣམས་འཇོམས།། འཇིགས་པའི་ཚོགས་ཀྱང་འཇོམས་པར་བྱེད།། འཇིགས་བྱེད་ཆེན་པོ་ཐིག་ལེ་ཆེ་ཧོ།། ཧཱུཾ་རྡོ་རྗེ་བྲག་ཆེན་སྲ་བ་པོ།། རྡོ་རྗེ་ཆུ་བོ་སྡུད་ཆེན་པོ།། རྡོ་རྗེ་མེ་སྟེ་ཀུན་འབར་ཆེ།། རྡོ་རྗེ
178a2 རླུང་སྟེ་འཐོར་རླུང་ཆེའོ།། ཞེས་ཆེད་དུ་གླུ་བླངས་སོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས།། ཁྲོ་བོའི་དཀྱིལ་འཁོར་མཉེས་པའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས།
178a3 དེ་བཞིན་གཤེགས་པ་ཉིད་ལ་གསང་སྔགས་ཀྱི་རྒྱལ་པོ་བརྟན་པར་བཟུང་བའི་ཕྱིར། ཆེད་དུ་བརྗོད་པ་འདི་བརྗོད་དོ།། ཀྱེ་ཀྱེ། ཕྱོགས་བཅུ་དུས་བཞིའི་རང་བཞིན་འདི།། དེ་བཞིན་གཤེགས་པའི་ངོ་བོ་ཉིད།། གཟུང
178a4 འཛིན་སྤྲོས་ལ་འཆེལ་བ་ཡི།། རྣམ་རྟོག་ཞགས་པས་སོ་སོར་འཛིན།། ས་རྣམས་ཁྱད་པར་བཀོད་པ་ཡང་།། གསང་བའི་སྙིང་པོར་འགྲོ་བའི་ལམ།། ཡེ་ཤེས་ངོ་མཚར་རབ་འབྱམས་ཀྱིས།། དོན་དུ་མི་འགྱུར་ཡོངས་མ
178a5 གསུངས།། དེ་བཞིན་གཤེགས་པ་ཐམས་ཅད་ཀྱི།། རང་བཞིན་གསང་བའི་སྙིང་པོ་འདི།། རྟོགས་ནས་སྨྲ་བར་གང་བྱེད་པ།། དེ་ཉིད་ང་ཡིན་དབང་ཡང་རྫོགས།། དེ་བཞིན་གཤེགས་པ་ཐམས་ཅད་ལ།། གསང་བ་འདི
178a6 ལས་གཞན་མི་མངའ།། སྒྲོ་དང་སྐུར་བ་ཞི་བ་ཡི།། གསང་བའི་སྙིང་པོ་དེ་ཁོ་ན།། ཉིད་དེ་ངེས་པའི་དབྱིངས་ནས་ཕྱུང་།། དེ་ཉིད་ངེས་པར་ལུང་བསྟན་ཏེ།། སྲས་ནི་ཐུགས་ལས་བསྐྱེད་པ་ཡིན།། ས་རབ་རིག་པ
iiif viewer powered by OpenSeadragon
