| e-texts navigator |
| Wylie |
173b1 པ་ཐམས་ཅད་དེ་ནས་བཅོམ་ལྡན་འདས་ཁྲོ་བོ་ཆེན་པོ་དེ་དག་གི་སྣམ་ནས་འཐོན་ཏེ་དྲན་པ་རྙེད་ནས་ཁྲོ་བོའི་དཀྱིལ་འཁོར་ཆེན་པོའི་ཚོགས་དེ་དག་ཀྱང་། དབུ་དགུ་བརྒྱ་ཕྱག་སྟོང་བརྒྱད་བརྒྱ། ཞབས་བརྒྱད་བརྒྱ། སྐུ
173b2 འབར་བ་ཆེན་པོའི་དཀྱིལ་འཁོར་ན་བཞུགས་པར་མཐོང་ངོ་།། དེ་ནས་དེ་དག་ཤིན་ཏུ་འདར་ཞིང་བྲེད་པ་རབ་ཏུ་ཞུམས་པའི་སྨྲེ་སྔགས། འབངས་སུ་མཆི་འབངས་སུ་མཆི། འབངས་སུ་ནན་ཏན་མ་བགྱིས་ན།། མགོ
173b3 དང་ལུས་ནི་བརྒྱར་འགས་ཤིང་།། སྙིང་ཡང་འགས་ཤིང་གཏུབ་གྱུར་ཅིག། རུལ་མྱགས་ཚིགས་ནས་བརླག་པ་དང་།། དམྱལ་བར་ལྷུང་ནས་འབོད་པར་ཤོག། ཅེས་འབངས་སུ་མཆི་བར་མནའ་བོར་ནས། དཀྱིལ
173b4 འཁོར་གྱི་གདན་དུ་བཞག་གོ། ཐམས་ཅད་ཀྱིས་མགྲིན་གཅིག་ཏུ་ཡང་སྨྲས་པ། བདག་ཅག་རྣམས་ཀྱི་མཆིས་བྲང་དང་།། མ་དང་སྲིང་མོ་བུ་མོ་རྣམས།། དཀྱིལ་འཁོར་ཆེན་པོར་བཞེས་སུ་གསོལ།། དཔའ་བོ་ལྷ་རྗེས
173b5 བཞེས་སུ་གསོལ།། བདག་ཅག་སོ་སོར་འཁོར་བཅས་ཀྱིས།། ཚོགས་ཀྱི་དཀྱིལ་འཁོར་ཆེན་པོ་འདི།། མིང་ཙམ་འཛིན་པར་བྱེད་པ་ཡང་།། གཙུག་གི་ནོར་བུ་འབར་བ་ལྟར།། གཡོ་སྒྱུ་མེད་ཅིང་གུས་ལྡན
173b6 པའི།། སེམས་ཀྱིས་བླངས་ཏེ་སྤྱི་བོ་ཡི།། གཙུག་ཏུ་བཞག་སྟེ་བཀུར་བར་བགྱི།། དེ་ཡི་དགོས་པ་ཅི་ཡང་རུང་།། མ་ལུས་རྫོགས་པར་བདག་ཅག་བསྒྲུབ།། གལ་ཏེ་དཔའ་བོའི་སྤྱན་སྔ་འདིར།། སྨྲས་པ་བཞིན་དུ་མ
iiif viewer powered by OpenSeadragon
