| e-texts navigator |
| Wylie |
162b1 ལ།། ས་བཞིན་སྐྱོ་བ་མེད་པས་ཡང་ཡང་སྨིན་བྱེད་ཤོག།། ཡང་འདིར་སྨྲས་པ། གསང་སྔགས་སྔ་འགྱུར་སྒྱུ་འཕྲུལ་དྲ་བ་ཡི།། རྒྱུད་རྒྱལ་དཔལ་ལྡན་གསང་བ་སྙིང་པོ་འདི།། འཛིན་པའི་སྔགས་འཆང་རྣམས་ལ
162b2 བཀའ་ཉིད་དུ།། རྩོད་པ་མེད་མོད་འོན་ཀྱང་སྔ་དུས་སུ།། སྐད་གཉིས་སྨྲ་བ་ལྷས་བཙས་ལ་སོགས་པས། ཟུར་པའི་སར་ཆོས་སློབ་བཅུ་བྱོན་པས་གཡོག་བཅོལ་བའི་སྙིང་ནང་ཡིན་པར་གྲགས།། སྐྱོན་བཞི་ཡོད་ཅེས་རྒྱ
162b3 དཔེ་མ་མཐོང་ཕྱིར།། བོད་ཀྱིས་བྱས་ཞེས་གངས་ཅན་འདིར་བསྒྲགས་པས།། མཁས་རློམ་འགའ་ཡང་ཐེ་ཚོམ་གནས་སུ་གྱུར།། དུས་ཕྱིས་གངས་རིའི་ཁྲོད་འདྲིར་མཁས་པའི་མཆོག། ཟབ་དང་རྒྱ་ཆེའི་གསུང་རབ
162b4 རྣམ་འབྱེད་ཅིང་།། བསྟན་པའི་ཁུར་འཛིན་མཁས་པའི་འདུན་ས་ན།། རྒྱལ་མཚན་ལྟར་མཐོ་དཔལ་ལྡན་རལ་གྲི་ཡིས།། རྒྱ་དཔེ་ལེགས་རྙེད་རྩོད་བྲལ་ཉི་ཟླ་ལྟར།། ཀུན་ལ་གསལ་མཛད་གཙུག་གི་རྒྱན་དུ་མཆོད།། མ
162b5 ངེས་བསྒྱུར་ནས་སྐྱོན་བཞིའི་གེགས་སེལ་བ།། དཔལ་ལྡན་གསང་བའི་སྙིང་པོ་སྒྲུབ་པའང་མཛད།། དེ་ཕྱིར་འདི་ན་རྟོག་གེ་སྨྲ་བ་རྣམས།། དོན་ལ་སྤྱོད་པའི་བློ་གྲོས་རིང་བྱས་ནས།། གསང་སྙིང་བོད་ཀྱིས་བྱས་ཞེས
162b6 བསྒྲགས་པ་རྣམས།། ཆུ་རླབས་བཞིན་དུ་ངལ་བ་དོན་མེད་གྱུར།། དེ་རྗེས་སྐད་གཉིས་སྨྲ་བ་མཁྱེན་པའི་དཔལ།། བློ་གྲོས་ཉི་མ་གནས་ལྔའི་འོད་ཟེར་ཅན།། བརྟུལ་ཞུགས་རྒྱལ་མཚན་འཛིན་པ་ནོར་བུས
iiif viewer powered by OpenSeadragon
