| e-texts navigator |
| Wylie |
159a1 འོད་སེང་གེ་ཡིས།། ཕྱི་མའི་རྒྱུད་དང་མཐུན་པའི་འགྲེལ་པ་མཛད།། འདི་གཉིས་སྤངས་ནས་རང་གར་འཆད་པ་རྣམས།། ཤེས་རབ་འཆལ་པ་ནོར་བའི་འཕྲེང་བ་ཡིན།། རྣ་རིང་འཚོང་དྲུག་སྤྱད་གཞུང་མ
159a2 མཐོང་བས།། འཚོང་དྲུག་གཞུང་མཚམས་ཤེས་པ་མེད་ཅེས་གྲགས།། འཚོང་དྲུག་ཤེས་པར་འདོད་པའི་བློ་གསལ་རྣམས།། གཟུར་གནས་བློ་ཡིས་ཁོ་བོའི་དྲུང་དུ་བྱོན།། བཅོམ་ལྡན་རལ་གྲིས་བཀོད། ཆོས་ཀྱི་རྒྱལ་པོ
159a3 བཅོམ་ལྡན་རལ་གྲིའི་ཕྱག་དཔེ་ལ་གཏུགས་ཤིང་བྲིས་སོ།། །། མངྒ་ལཾ།། གསང་སྙིང་རྒྱ་དཔེའི་འགྱུར་བྱང་བཞུགས་སོ།། ན་མོ་གུ་ར་ཝེ།། ཕུན་སུམ་ཚོགས་དཔལ་ཐུགས་ཀྱི་གསང་བའི་མཛོད།། ཐེག
159a4 པའི་བཅུད་འདུས་མན་ངག་སྙིང་པོའི་དབྱིངས།། མ་ནོར་གསལ་བྱེད་གཞན་མིན་དེ་ཁོ་ན།། རང་ཉིད་ངོ་བོས་ངེས་པའི་དོན་ལ་འདུད།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་རྩ་བའི་རྒྱུད་དཔལ་གསང་བའི་སྙིང་པོ་དེ་ཁོ
159a5 ན་ཉིད་ངེས་པ་འདི་ལ། ཨོ་རྒྱན་གྱི་མཁན་པོ་པདྨ་སཾ་བྷ་ཝ་དང་། ཅོག་རོ་ཀླུའི་རྒྱལ་མཚན་གྱི་འགྱུར་དང་། པཎྜི་ཏ་བི་ཤྭ་མི་ཏྲ་དང་། ལོཙྪ་བ་པ་གོར་བཻ་རོ་ཙ་ནའི་འགྱུར་དང་། པཎྜི་ཏ་བི་མཱ་ལ་མི་ཏྲ་དང་། ལོ་ཙྪ་བ་རྨ
159a6 རིན་ཆེན་མཆོག་གི་འགྱུར་ཡོད་ཅེས་གྲགས་ནའང་། དེང་སང་གི་དཔེ་རྣམས་ཀྱི་མཇུག་ན་ལོ་པ་ཎ་འདི་དང་འདིས་བསྒྱུར་ཅེས་པའི་མཚན་བཀོད་པ་ནི་མི་འདུག་མོད། དེས་ནའང་རྒྱུད་ཀྱི་ཚིག་དོན་ལེགས་པར་ཁོང་དུ
iiif viewer powered by OpenSeadragon
