| e-texts navigator |
| Wylie |
157b1 འཇོམས།། འཇིགས་པའི་ཚོགས་ཀྱང་འཇིགས་བྱེད་པ།། འཇིགས་བྱེད་ཆེན་པོ་ཐིག་ལེ་ཆེ་ཧོཿ།། ཧཱུཾ་རྡོ་རྗེ་བྲག་ཆེན་སྲ་བ་པོ།། རྡོ་རྗེ་ཆུ་བོ་སྡུད་ཆེན་པོ།། རྡོ་རྗེ་མེ་སྟེ་ཀུན་འབར་ཆེ།། རྡོ་རྗེ་རླུང་སྟེ་འཐོར་རླུང་ཆེ
157b2 ཧོཿ།། ཞེས་ཆེད་དུ་གླུ་བླངས་སོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོ་ལ་བསྟོད་པའི་ལེའུ་སྟེ་ཉི་ཤུ་གཅིག་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་དེ་བཞིན་གཤེགས་པ་ཉིད་ལ
157b3 གསང་སྔགས་ཀྱི་རྒྱལ་པོ་བརྟན་པར་གཟུང་བ་འདི་ཆེད་དུ་བརྗོད་དོ།། ཀྱེ་ཀྱེ་ཕྱོགས་བཅུ་དུས་བཞིའི་རང་བཞིན་འདི།། དེ་བཞིན་གཤེགས་པའི་ངོ་བོ་ཉིད།། གཟུང་འཛིན་སྤྲོས་ལ་འཆེལ་པ་ཡིས།། རྣམ་རྟོག་ཞགས
157b4 པས་སོ་སོར་འཛིན།། ས་རྣམས་ཁྱད་པར་བཀོད་པ་ཡང་།། གསང་བའི་སྙིང་པོར་འགྲོ་བའི་ལམ།། ཡེ་ཤེས་ངོ་མཚར་རབ་འབྱམས་ཀྱིས།། དོན་དུ་མི་འགྱུར་ཡོངས་མ་གསུངས།། དེ་བཞིན་གཤེགས་པ་ཐམས་ཅད
157b5 ཀྱི།། ཕྱག་རྒྱ་གསང་ཆེན་སྙིང་པོ་འདི།། རྟོགས་ནས་སྨྲ་བར་གང་བྱེད་པ།། དེ་ཉིད་ང་ཡིན་དབང་ཡང་རྫོགས།། དེ་བཞིན་གཤེགས་པ་ཐམས་ཅད་ལ།། གསང་བ་འདི་ལས་གཞན་མི་མངའ།། སྒྲོ་དང་སྐུར་པ་ཞི་བ
157b6 ཡི།། གསང་བའི་སྙིང་པོ་དེ་ཁོ་ན།། ཉིད་དེ་ངེས་པའི་དབྱིངས་ནས་ཕྱུང་།། དེ་ནི་ངེས་པར་ལུང་བསྟན་ཏེ།། སྲས་ནི་ཐུགས་ལས་སྐྱེས་པ་ཡིན།། ས་རབ་རིགས་པ་འཛིན་ལ་གནས།། ཞེས་བརྗོད་པས། དེ་བཞིན
iiif viewer powered by OpenSeadragon
