| e-texts navigator |
| Wylie |
157a1 ནི།། རྦད་ཅིང་གཏང་བར་བྱ་བ་སྟེ།། ཐམས་ཅད་ཐམས་ཅད་བྱེད་པ་ཡིན།། ལྗོན་པ་དང་ནི་ལྕུག་ཕྲན་ཚལ།། སྡོང་གཅིག་དང་ནི་མེ་རེག་དྲུང་།། དང་བས་དགའ་བ་ཆགས་པ་དང་། ཁྲོས་པས་ཀཱ་ལི་རབ
157a2 ཏུ་བྱ།། ཞེས་བརྗོད་པས།། དེ་བཞིན་གཤེགས་པ་ཉིད་ལ་དེ་བཞིན་གཤེགས་པ་ཉིད་སྦྱོང་བར་གྱུར་ཏོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ལྷུན་གྱིས་གྲུབ་པའི་འཕྲིན་ལས་བྱིན་གྱིས་རློབ་པ་ཞེས་བྱ་བའི
157a3 ལེའུ་སྟེ་ཉི་ཤུ་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོའི་ཚོགས་ཀྱི་དཀྱིལ་འཁོར་གྱིས་ཤིན་ཏུ་རྔམ་པའི་མདངས་ཀྱིས་གླུ་འདི་བླངས་སོ།། ཧཱུཾ་གཏུམ་ཆེན་དུས་མཐའི་མེ་ཆེན་འབར།། འོད་ཟེར་ཉི་མ
157a4 འབུམ་གྱི་གཟི།། ཁྲོ་གཉེར་གློག་སྟོང་འགྱུ་བ་བཞིན།། མཆེ་བ་ཟངས་ཡག་ཟ་བྱེད་ཆེ་ཧོཿ།། ཧཱུཾ་རྔམ་པའི་ང་རོ་འབྲུག་སྟོང་ལྡིར།། གཏུམ་ཆེན་རི་རབ་འབུམ་བསྙིལ་སྐད།། ཨ་ལ་ཧ་ལའི་གད་རྒྱངས་ཆེ།། སྐྱུགས་པའི
157a5 འཐོར་རླུང་གཡེང་བ་ཆེ་ཧོཿ།། ཧཱུཾ་ཁྲོ་བོའི་ཤེས་རབ་འོད་པོ་ཆེ།། ཡེ་ཤེས་དཀྱིལ་འཁོར་ཀུན་ཏུ་གསལ།། འབར་བའི་ཡེ་ཤེས་ཀུན་ཏུ་འཇོམས།། སྣ་ཚོགས་ཡེ་ཤེས་ཐིག་ལེ་ཆེ་ཧོཿ།། ཧཱུཾ་ཁྲོ་བོ་རྒྱལ་པོ་སྤྲིན་ཆེན
157a6 པོ།། འཕྲོས་པའི་དཀྱིལ་འཁོར་ཆར་ཆེན་འདེབས།། དཀྱིལ་འཁོར་ཡིད་བཞིན་འབྱུང་བའི་གཏེར།། སྣ་ཚོགས་ཁྲོས་པའི་ཐིག་ལེ་ཆེ་ཧོཿ།། ཧཱུཾ་བདུད་ཀུན་གྱི་ནི་བདག་ཆེན་པོ།། བདུད་ཀྱི་བདུད་དེ་བདུད་རྣམས
iiif viewer powered by OpenSeadragon
