| e-texts navigator |
| Wylie |
156b1 ཚལ་པ་བདུན།། ཡཀྵ་ཁྲོ་བོས་གཏུབས་པར་འགྱུར།། དེ་བས་རྣལ་འབྱོར་སྔགས་འཆང་གིས།། ཇི་ལྟར་བཅོལ་བ་བཞིན་དུ་བྱོས།། ལས་དེ་མངོན་དུ་མ་བྱས་ན།། རང་གིས་མནའ་བོར་ཁས་བླངས་བཞིན།། རུལ
156b2 མྱགས་ཚིགས་ནས་དམྱལ་བར་འགྲོ།། རྣལ་འབྱོར་དམ་ལ་གནས་གྱུར་པའི།། ལས་རྣམས་ཡོངས་སུ་བྱ་བ་དང་། འཁོར་རྣམས་བུ་གཅིག་བཞིན་དུ་སྐྱོང་།། ཕྲ་མེན་མ་ཡང་དངོས་གྲུབ་འཐོབ།། བཅོལ་བའི་ལས་རྣམས
156b3 མངོན་དུ་བྱོས།། ཞེས་བསྒོའོ།། ཁྲོ་བོ་སྒྲུབ་པའི་ལས་ཀྱི་གཙོ་བོ་ནི་འདི་ཡིན་ནོ།། ཁྲག་འཐུང་ཆེན་པོ་ལ་སོགས་པའི།། བྲོ་གར་གླུ་ཚིག་ཆེན་པོས་ནི།། ཐམས་ཅད་ཐམས་ཅད་ཅི་འདོད་པ།། ཐམས་ཅད་ཐམས་ཅད་བྱེད
156b4 པ་ཡིན།། མཛོད་ལྡན་ཆེན་མོ་ལ་སོགས་པའི།། བྲོ་གར་གླུ་ཚིག་ཆེན་མོས་ནི།། འདུ་བར་འདོད་ན་འདུ་བར་བྱེད།། འཕེལ་བར་འདོད་ན་འཕེལ་བར་བྱེད།། སྤོས་མོ་ཆེན་མོ་ལ་སོགས་པའི།། བྲོ་གར་གླུ་ཚིག་ཆེན་མོས
156b5 ནི།། ལྷན་ནེར་འདོད་ན་ལྷན་ནེར་བྱེད།། རྨུགས་པར་འདོད་ན་རྨུགས་པར་བྱེད།། སེང་གདོང་ཆེན་མོ་ལ་སོགས་པའི།། བྲོ་གར་གླུ་ཚིག་ཆེན་མོས་ནི།། ཐམས་ཅད་ཀུན་ལ་ཟ་བར་བྱེད།། རྡུལ་ཆ་ཙམ་ཡང་མེད་པར
156b6 བྱེད།། བཞད་གདོད་ཆེན་མོ་ལ་སོགས་པའི།། བྲོ་གར་གླུ་ཚིག་ཆེན་མོས་ནི།། ཐམས་ཅད་མ་ལུས་འབྱིན་པར་བྱེད།། ཀུན་ལ་རབ་ཏུ་ཉམས་པར་བྱེད།། སླས་དང་བྱི་མོ་བྲན་མོའི་ཚོགས།། བྲོ་གར་གླུ་ཚིག་ཆེན་མོས
iiif viewer powered by OpenSeadragon
