| e-texts navigator |
| Wylie |
156a1 དཀྱིལ་འཁོར་དུ།། ལུ་གུ་རྒྱུད་དུ་སྦྲེལ་བསྡམས་བསྐྱོད།། གཟི་བརྗིད་འབར་བའི་འཕྲུལ་ཆེན་སྤྲོ།། ཡིད་བཞིན་ནམ་མཁའ་གང་བར་འགྱུར།། ཡ་ཡི་ཚོགས་ཀྱི་དཀྱིལ་འཁོར་མཆོག། གསལ་བའི་གཟི
156a2 བརྗིད་འཚེར་བ་ལ།། དང་བའི་ཡིད་ཀྱིས་མཆོད་སྦྱིན་བྱ།། གཏུམ་ཆེན་རྔམ་པའང་ལྷན་ནེར་འགྱུར།། བདུད་རྩི་ལྔའམ་ཟས་ལྔ་ལ།། གཏུམ་རྔམ་འཁྲུག་པའི་ངོ་བོར་བརྟག། ལྷན་ནེར་གསལ་བའི་ཕུར་བུས
156a3 གདབ།། འབར་བ་ལྷན་ནེའི་ཚོགས་ལ་དབུལ།། ཡ་ཡི་ཚོགས་ཀྱི་དཀྱིལ་འཁོར་དུ།། ལུ་གུ་རྒྱུད་དུ་སྦྲེལ་བསྡམས་ནས།། འབར་བ་ལྷན་ནེའི་བྱིན་གྱིས་ཁྱབ། ཐམས་ཅད་གཡོ་བ་མེད་པར་བྱེད།། སླས་དང་བྱི་མོ་བྲན
156a4 མོའི་ཚོགས།། ལྷག་མའི་མཆོད་སྦྱིན་འདོད་པ་སྦྱིན།། རང་གི་དམ་ཚིག་རབ་བསྒྲགས་ནས། གང་འདོད་ལས་དེ་བྱེད་པར་བསྒོ།། སྔོན་ཚེ་དཔལ་ཆེན་ཧེ་རུ་ཀ། ཤིན་ཏུ་གདུག་ཅིང་གཏུམ་བག་ཅན།། ཐམས་ཅད་མ
156a5 ལུས་འདུལ་མཛད་པའི།། དབང་དང་བྱིན་རླབས་རྨད་པོ་ཆེ།། ལྷ་ཆེན་ལ་སོགས་དབང་དུ་བསྡུས།། འཁོར་རྣམས་དབང་ཕྱུག་སླས་སུ་བྱས།། སོ་སོའི་ལས་རྣམས་བསྐོས་པ་དེ།། ཇི་ལྟར་དམ་བཅས་ཁས་བླངས
156a6 པའི།། མ་ཐོགས་མྱུར་དུ་མངོན་པར་ཕྱུང་།། དམ་བཅས་བཞིན་དུ་མ་བྱས་ན།། ཇི་ལྟར་དམ་བཅས་མནའ་བོར་བའི།། སྡོམ་བཅས་དེ་ལས་འདའ་བར་འགྱུར།། དམ་ཚིག་དེ་ལས་འདས་གྱུར་ན།། མགོ་ལུས་སྙིང་ཡང
iiif viewer powered by OpenSeadragon
