| e-texts navigator |
| Wylie |
151b1 ཁྱབ་པར་སོ་སོར་སྣང་བས་དུས་གཅིག་ཏུ་བཏུལ་ལོ།། དེ་ནས་དེ་དག་ཤིན་ཏུ་འདར་ཞིང་བྲེད་པ་རབ་ཏུ་ཞུམ་པའི་ང་རོས། འབངས་སུ་མཆི། འབངས་སུ་མཆི། འབངས་སུ་ནན་ཏན་མ་བགྱིས་ན།། མགོ་དང་ལུས་ནི
151b2 བརྒྱར་འགས་ཤིང་།། སྙིང་ཡང་འགས་ཤིང་གཏུབས་གྱུར་ཅིག། རུལ་མྱགས་ཚིག་ནས་བརླག་པ་དང་། དམྱལ་བར་ལྷུང་ནས་འབོད་པར་ཤོག། ཅེས་འབངས་སུ་མཆི་པར་མནའ་བོར་ནས།། དཀྱིལ་འཁོར་གྱིས
151b3 གདན་དུ་བཞག་གོ། ཐམས་ཅད་ཀྱིས་མགྲིན་གཅིག་ཏུ་ཡང་སྨྲས་པ། བདག་ཅག་རྣམས་ཀྱི་མཆིས་བྲང་དང་།། མ་དང་བུ་མོ་སྲིང་མོ་རྣམས།། དཀྱིལ་འཁོར་ཆེན་པོར་བཞེས་སུ་གསོལ།། དཔའ་བོ་ལྷ་རྗེ་བཞེས་སུ
151b4 གསོལ།། བདག་ཅག་སོ་སོ་འཁོར་བཅས་ཀྱི།། ཚོགས་ཀྱི་དཀྱིལ་འཁོར་ཆེན་པོ་འདིའི།། མིང་ཙམ་འཛིན་པར་བྱེད་པ་ཡང་།། གཙུག་གི་ནོར་བུ་འབར་བ་ལྟར།། གཡོ་སྒྱུ་མེད་ཅིང་གུས་ལྡན་པའི།། སེམས་ཀྱིས
151b5 བླངས་ནས་སྤྱི་བོ་ཡི།། གཙུག་ཏུ་བཞག་སྟེ་བཀུར་བར་བགྱི།། དེ་ཡི་དགོས་པ་ཅི་ཡང་རུང་།། མ་ལུས་རྫོགས་པར་བདག་ཅག་བསྒྲུབ།། གལ་ཏེ་དཔའ་བོའི་སྤྱན་སྔ་འདིར།། སྨྲས་པ་བཞིན་དུ་མ་བསྒྲུབས་ན།། བདག
151b6 ག་རྣམས་ཀྱི་མགོ་ལུས་སྙིང་།། བཀས་གཏུབས་དུམ་བུར་རུལ་བར་མཆིའོ།། ཞེས་སྨྲས་སོ།། དེ་ནས་དེ་དག་གི་ཆུང་མའི་ཚོགས་དང་། མ་དང་སྲིང་མོ་དང་བུ་མོའི་ཚོགས་ཐམས་ཅད་དཀྱིལ་འཁོར་དུ་ཡུད་ཙམ་གྱིས
iiif viewer powered by OpenSeadragon
