| e-texts navigator |
| Wylie |
143a1 པར་བྱ།། ཡུམ་གྱི་དཀྱིལ་འཁོར་ཉིད་དུ་བསྒོམ།། ཡང་ན་ཁྲོ་མོའི་དཀྱིལ་འཁོར་བསྒོམ།། གོས་རྒྱན་བཟའ་བཏུང་གླུ་དང་ཚིག། བྲོ་གར་ཚོགས་ཀྱི་སྤྲིན་ཕུང་ལ།། ཧཱུཾ་དུ་ཤེས་པས་རབ་སྤྱད་ན།། ངོ་མཚར
143a2 འབྱུང་བའི་དཀྱིལ་འཁོར་མཉེས།། ལྷ་མོ་ཀླུ་མོ་རིགས་ངན་མོ།། དབྱེའམ་ཡང་ན་མི་དབྱེ་བར།། བསྙེན་པ་དང་ནི་ཉེ་བསྙེན་དང་། སྒྲུབ་པ་དང་ནི་སྒྲུབ་ཆེན་པོ།། ཡུམ་གྱི་པདྨའི་དཀྱིལ་འཁོར་དུ།། བདེ་བ་ཐུགས་ཀྱི
143a3 དཀྱིལ་འཁོར་སྤྲོ།། སངས་རྒྱས་སྤྲིན་ཚོགས་མ་ལུས་ལ།། དགྱེས་མཉམ་མཆོག་གི་སྦྱིན་པས་བསྟིམ།། སྒྲུབ་པའི་ཉི་ཟླ་སྙིང་པོ་དེ།། དཀྱིལ་འཁོར་རྡོ་རྗེའི་ལྕེ་ཡིས་བླང་།། མཁའ་འགྲོ་གསལ་འབར་ཚེ་ལ
143a4 སོགས།། ཡིད་བཞིན་སྤྲིན་གྱི་བདག་པོར་འགྱུར།། ཞིང་གྱུར་མཆོག་དང་མཆོག་ཕྲན་རྣམས།། ཉི་ཟླའི་དཀྱིལ་དུ་མཁས་པས་གཞག། ང་རྒྱལ་ལག་གི་འདུ་བྱེད་བསྒོམ།། ཧཱུཾ་དུ་གྱུར་པས་རྣམ་པར་དག། དབྱིངས
143a5 སུ་ཐིམ་ནས་ཕྱག་རྒྱ་འབར།། སྐུར་གྱུར་འོད་ཟེར་འཕྲོ་བས་བརྗིད།། གཙུག་ཏུ་རྣམ་པར་རྒྱལ་བ་བསྒོམ།། ངོ་མཚར་ངན་འགྲོ་ཐར་བའི་ཐབས།། ཡེ་ནས་སྐྱེ་མེད་དེ་བཞིན་ཉིད།། སྒྱུ་མར་སྣང་བ་མིག་ཡོར
143a6 ཚུལ།། སྦྱོར་སྒྲོལ་བྱ་བ་ཀུན་བྱས་ཀྱང་།། རྡུལ་ཆ་ཙམ་ཡང་བྱས་པ་མེད།། སྣོད་བཅུད་རྒྱུད་རྣམས་དག་རྟོགས་ཤིང་།། མཉམ་གཉིས་ལྷག་པའི་མཉམ་གཉིས་ཀྱིས།། དཀྱིལ་འཁོར་ཀུན་དུ་བཟང་པོའི་ཞིང་།། བྱེད་སྤྱོད
iiif viewer powered by OpenSeadragon
