| e-texts navigator |
| Wylie |
141b1 ཚོགས།། དཀྱིལ་འཁོར་མ་ལུས་བསམ་ཡས་ཀུན།། མཐོང་ནས་ཉེ་བར་མཉེས་པ་དང་།། རྒྱ་ཆེན་གསུང་ལ་དོན་བྱུང་བའང་།། མཐུན་པའི་ཡེ་ཤེས་རང་སྣང་བའོ།། གཅིག་དང་དུ་མར་བྲལ་བ་ཡི།། མཐའ་དང་དབུས
141b2 མེད་དེ་བཞིན་ཉིད།། སངས་རྒྱས་ཀྱིས་ཀྱང་མི་གཟིགས་ཏེ།། རང་བྱུང་ཡེ་ཤེས་གནས་མེད་སྣང་།། ལོག་པར་རྟོག་བཏགས་རྣམ་དག་ཅིང་།། ཡེ་ཤེས་དབྱིངས་ལས་མི་གཞན་ཕྱིར།། ཐུགས་རྗེ་ཆེན་པོས་འབྲེལ་བས
141b3 ན།། འགྲོ་དྲུག་དུས་གནས་མ་ལུས་སྣང་།། བདེ་བ་ཆེན་པོའི་དཀྱིལ་འཁོར་ནི།། སྟངས་དཔྲལ་གཉིས་སམ་ཡང་ན་ལྔ།། བྱས་ཏེ་དད་ལྡན་རབ་ཞུགས་ན།། འདོད་པ་ཡིད་འོང་མཉམ་པར་འགྱུར།། སྐལ་པ་མཉམ་པའི
141b4 ཡེ་ཤེས་དེ།། གཉེར་ན་ཉེ་བར་འབྱུང་བ་ཡི།། ཡ་མཚན་ཆེན་པོ་འབྱུང་བར་ངེས།། དད་མེད་ཉམས་ན་སྤང་བར་འགྱུར།། ཞེས་ཆེད་དུ་བརྗོད་དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་རྡོ་རྗེ་བཀོད་པའི་གསང
141b5 བའི་དམ་ཚིག་གི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོ་རྒྱལ་པོ་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ།། ཤེས་རབ་ཐབས
141b6 ཀྱི་ཕྱག་རྒྱུ་ལས།། བདེ་བའི་འབྲུ་ཚོགས་གསལ་བའི་སྤྱན།། རྡོ་རྗེའི་ལམ་ནས་པདྨར་འཐིལ།། རྩེ་ནས་བསྟིམ་ཞིང་དཀྱིལ་འཁོར་བསྒྱུར།། ཅན་བྱེད་འཁོར་ལོའི་གཞལ་ཡས་པ།། གསལ་བའི་ཐིག་ལེ་ངོ་བོ་ཉིད།།
iiif viewer powered by OpenSeadragon
