| e-texts navigator |
| Wylie |
140b1 བཞིན་བྱ།། ཡང་ན་ས་གཞི་རབ་མཉམ་ལ།། དཀྱིལ་འཁོར་ཁྲུ་གང་ཚད་དུ་བྱ།། ཡང་ན་ལུས་གང་ཚད་དུ་སྟེ།། ཡང་ན་ལུས་ནི་གསུམ་གྱི་ཚད།། ཕུར་བུ་སྲད་བུ་ཚོན་ཕྱེ་དང་།། གོས་རྒྱན་མཛེས་པའི་ཡིད་འོང
140b2 གྲོགས།། ཐིག་གདབ་ཆོ་ག་ཕུན་སུམ་ཚོགས།། མཁས་ལྡན་ཆེན་པོས་བསྒྲིམས་ཏེ་བྱ།། ཡང་ན་ཁྲུ་ནི་བཅུ་དྲུག་དང་།། ཉི་ཤུའམ་ཉི་ཤུ་རྩ་ལྔར་བྱ།། རིགས་ཀྱི་དཀྱིལ་འཁོར་ལྔ་རྣམས་བསྒོམ།། སྐུ་གསུང་ཐུགས་ལྡན
140b3 གཟུགས་ཀྱང་དགོད།། ཡང་ན་རྒྱང་གྲགས་དཔག་ཚད་དམ།། ནམ་མཁའི་དབྱིངས་ནི་བསམ་ཡས་པར།། སངས་རྒྱས་དཀྱིལ་འཁོར་སྣ་ཚོགས་བསྒོམ།། མ་མཐོང་རྨོངས་ལ་བསྟན་ཕྱིར་མཚོན། ཁ་དོག་ཉི་ཤུ་རྩ
140b4 ལྔའམ།། ལྔ་ཡི་ཚོན་གྱིས་བྲི་བར་བྱ།། འདུལ་བའི་ཆོ་ག་བཞིན་དུ་དགྱེ།། ཏིང་འཛིན་རོལ་མོ་མཐའ་ཡས་མཆོག། ཡི་གེའམ་གདན་ནམ་སྙིང་པོའམ།། ཕྱག་རྒྱའམ་སྐུ་གསུང་ཐུགས་ལྡན་པར།། བྱིན་རླབས་ཡ་མཚན
140b5 རྨད་པོ་ཆེ།། འགྲུབ་འགྱུར་སངས་རྒྱས་ཀུན་གྱི་དམ།། ས་ལ་སོགས་ལས་ཕྱག་རྒྱར་བྱས།། རྣམ་གྲོལ་རིམ་པ་ཐོབ་འགྱུར་ན།། དག་པའི་ཡེ་ཤེས་ཀྱིས་སྦྱངས་པས།། སྨོས་ཅི་དགོས་ཏེ་འདི་ཉིད་ཡིན།། ཕྱོགས་དུས
140b6 དཀྱིལ་འཁོར་བདག་ཉིད་ཆེ།། མི་དམིགས་ཐུགས་ཀྱི་དཀྱིལ་འཁོར་ལས།། དཀྱིལ་འཁོར་ཐམས་ཅད་སྤྱན་དྲང་ངོ་།། རང་སྣང་དབྱེར་མེད་དཀྱིལ་འཁོར་ལ།། འཇུག་པའི་མཚན་ཉིད་མཉམ་སྦྱོར་བས།། ཕྱོགས་དུས
iiif viewer powered by OpenSeadragon
