| e-texts navigator |
| Wylie |
139a1 དུ་མེད།། གཉིས་དང་གསུམ་དུ་རྣམ་པར་འཕྲོ།། བསྐྱོད་དང་སྤྲོ་པའང་དེ་བཞིན་ཏེ།། མདོར་ན་སྦྲུལ་སྐྱོད་ཐམས་ཅད་ཀུན།། ཕྱག་རྒྱ་ཆེན་པོའི་ངང་དུ་གནས།། གནས་ཉིད་མི་གནས་གནས་པའང
139a2 མིན།། དེ་སྐད་དག་མཆོག་ཉིད་ཀྱིས་བཤད།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཡན་ལག་ཐམས་ཅད་དཀྱིལ་འཁོར་དུ་བྱིན་གྱིས་བརླབས་ནས་ཕྱག་རྒྱ་སྤྲོས་པའི་ལེའུ་སྟེ་བརྒྱད་པའོ།། །། དེ་ནས་དེ
139a3 བཞིན་གཤེགས་པ་དགྱེས་པ་ཆེན་པོས། རྡོ་རྗེ་གསང་བའི་དམ་ཚིག་བཀོད་པ་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ།། ཤིན་ཏུ་ཕྲ་བའི་དམ་ཚིག་མཆོག། ཕྱག་རྒྱ་ཆེན་པོའི་ཕྱག་མཐིལ
139a4 དུ།། ཐུགས་ཀྱི་དཀྱིལ་འཁོར་དམ་པ་དེ།། སོར་ནི་བཞི་ཡི་ཚད་དུ་བྱ།། འབྲུ་ལྔ་སྤོས་ལྔ་རིན་ཆེན་ལྔ།། སྙིང་པོ་ལྔ་དང་སྨན་ལྔ་དང་།། བདུད་རྩི་ལྔ་ཉིད་རབ་བསྙམས་ལ།། རིག་པས་ཐིག་ནི་གདབ་པར་བྱ།། ལྟེ་བ
139a5 རྩིབས་དང་ལྡན་པ་ཡི།། རྩིབས་བཞི་འཁོར་ལོ་མུ་ཁྱུད་བཅས།། གྲུ་ཆད་བཞི་དང་གྲུ་བཞི་པ།། བར་ཁྱམས་སྒོ་ཁྱུད་ལྡན་པར་བྱ།། སེན་ཟླུམ་ཙམ་གྱི་ཉི་ཟླ་ལ།། ཙ་ནའི་འབྲུ་ཙམ་པདྨའི་གདན།། ཡུངས་འབྲུ་ཙམ་གྱི་ཡི
139a6 གེ་ལས།། ཕྱག་རྒྱ་ཏིལ་འབྲུ་ཙམ་དུ་བྲི།། བཅོས་བུའི་རས་ནི་སྣ་ཚོགས་དང་།། རྒྱན་འཕྲེང་བཏུང་དང་བྲོ་བས་བསྐོར།། གླུ་ཚིག་བྲོ་གར་རོལ་མོ་ཡི།། སྤྲིན་ཕུང་ཚོགས་ཀྱིས་རབ་ཏུ་མཆོད།། ཡུམ་དང་འཇོ་མ་སེམས་མ
iiif viewer powered by OpenSeadragon
