| e-texts navigator |
| Wylie |
138b1 དང་རྡོ་རྗེ་གནོན།། ཐོད་སྦྲུལ་ཆེན་པོ་གནོན་པ་དང་།། རྡོ་རྗེ་རྒྱ་གྲམ་ལས་ཀྱི་གནོན།། ལྕགས་ཀྱུ་ཞགས་པ་སྒོ་ཊ་ཧོ།། སྒོ་བཞིར་གནས་པ་དེ་དག་ཀྱང་།། འདུད་ཚུལ་འཁྲིལ་པ་གོང་མ་བཞིན།། ཐུབ་དྲུག་ཕྱག་རྒྱ་སྣ
138b2 ཚོགས་ཏེ།། མདོར་བསྡུས་ཕྱག་རྒྱ་དྲུག་ཏུ་བསྟན།། ཡུམ་ནི་དམིགས་མེད་ཆོས་ཀྱི་དབྱིངས།། ཀུན་བཟང་མཉམ་གཞག་ཡེ་ཤེས་འཕྲོ།། ཡུམ་འགྱུར་མཉམ་རྫོགས་པདྨའི་སྐྱིལ།། གཞན་ཡང་ཕྱག་རྒྱ་སྣ་ཚོགས
138b3 ཏེ།། ཡང་ན་དེ་བཞིན་གཤེགས་ཉིད་དམ།། ཡང་ན་རྡོ་རྗེ་ཐལ་མོ་ཉིད།། ཕྱག་རྒྱ་ཆེན་པོའི་ཚོགས་མཆོག་ནི།། ཐབས་དང་ཤེས་རབ་ལྡན་འབྱོར་ན།། མ་བསྐྱོད་མ་བསྐུལ་ཐམས་ཅད་ཀུན།། ཕྱག་རྒྱ་ཆེན་པོའི་ངང་དུ
138b4 གནས།། ཡན་ལག་བཞི་བཅུ་རྩ་གཉིས་ལྡན།། དེ་ཉིད་ཡན་ལག་སྤྲོས་བདག་སྟེ།། བཞི་བཅུ་རྩ་གཉིས་གསུམ་འཕྲོར་འགྱུར།། དེ་ལྟར་ལྡན་པའི་གཙོ་མཆོག་གིས།། རྒྱལ་བ་རྒྱལ་མཆོག་དེ་བཞིན་དུ།། བཅུ་གཉིས
138b5 དྲུག་གི་འོད་འཕྲོ་འབར།། དེ་ལ་སོགས་ཏེ་བསམ་མི་ཁྱབ།། ཕྱོགས་བཅུ་དུས་བཞི་བསམ་ཡས་སུ།། འདུལ་བའི་དོན་རྣམས་སོ་སོར་སྟོན།། ཐེག་པ་མཐོ་དམན་ཐམས་ཅད་དང་།། ཕྱིན་ཅི་ལོག་རྣམས་བསམ་ཡས
138b6 དང་།། ཞི་ཁྲོའི་ཚོགས་ཆེན་ཐམས་ཅད་ལ།། སོ་སོར་མཐུན་བྱས་ཀུན་ཏུ་སྣང་།། དཔེར་ན་གར་མཁན་ཉིད་འདྲ་བ།། ལུས་ལ་མ་བཀོད་སྣ་ཚོགས་སྟོན།། མདོར་ན་ཕྱག་རྒྱ་ཐམས་ཅད་ནི།། འདི་ཞེས་གཅིག་ཅེས་བརྗོད
iiif viewer powered by OpenSeadragon
