| e-texts navigator |
| Wylie |
137a1 གསུང་གི་དོན་བྱུང་བའང་།། ཐམས་ཅད་པདྨའི་ངང་གྱུར་ན།། གྲོལ་ཐར་ལམ་དང་འཁོར་བའི་སྒྲ།། ཇི་སྐད་བརྗོད་ཀྱང་གསུང་མཆོག་སྟེ།། ཐེག་པ་མཐོ་དམན་ཐམས་ཅད་དང་།། ལོག་འགྲོ་མ
137a2 ལུས་ཐམས་ཅད་སྐད།། བྱང་ཆུབ་རྡོ་རྗེ་གསུང་དུ་བསྡུས།། བསྡུས་ཉིད་ཕྱོགས་བཅུར་རྣམ་པར་གྲགས།། སྒྲ་ཉིད་མ་ཆགས་ངང་དུ་གསུངས།། གསུང་བ་ཉིད་ན་བརྗོད་དུ་མེད།། བརྗོད་མེད་དེ་ཉིད་སྣ་ཚོགས་སྒྲ།། ཀུན
137a3 ལ་གྲགས་ཤིང་སོ་སོར་མཇལ།། དཔེར་ན་དེ་བཞིན་སྤྲིན་སངས་བཞིན།། གསུང་གཅིག་སྒྲ་ཡིས་སོ་སོར་གོ། དེ་ནི་གསུང་མཆོག་རྒྱལ་པོ་ཡིན།། ཐེག་པ་མཐོ་དམན་བསམ་ཡས་ཀྱང་།། དེ་བཞིན་ཉིད་ལས་མ
137a4 གསུངས་ཏེ།། གདུལ་བྱའི་ཐབས་སུ་སོ་སོར་ཐོས།། ཇི་ལྟར་གསུང་རབ་ཀུན་བརྗོད་ཀྱང་།། དེ་བཞིན་ཉིད་ཀྱིས་གསུང་པ་མེད།། ཡི་གེ་མེད་དང་རིག་པའི་གསུང་།། ལྗགས་ཀྱི་རྩེ་མོར་མ་ཕྱུང་ཡང་།། ཐུགས་རྗེ་གསུང
137a5 བྱིན་རླབས་ཀྱིས།། འགྲོ་དོན་སྣ་ཚོགས་སོ་སོར་གསལ།། གསལ་ཉིད་གསུང་གི་རྡོ་རྗེའི་མཆོག། དེ་བཞིན་གསུང་གི་འགྲོ་དོན་རྣམས།། དེ་བཞིན་ངང་ལས་མ་གཡོས་ཀྱང་།། དཔེར་ན་བྲག་ཅའི་སྒྲ་བཞིན
137a6 ནོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དཀྱིལ་འཁོར་བསྡུས་པ་དང་གསང་སྔགས་ཀྱི་ལེའུ་སྟེ་བདུན་པའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱིས། ཡན་ལག་ཐམས་ཅད་དཀྱིལ་འཁོར་དུ
iiif viewer powered by OpenSeadragon
