| e-texts navigator |
| Wylie |
130b1 བར་འབྱུང་བ་འཛིན་པ་འཁྲུལ་པ་ལས་འདོགས་པ་དང་། ལས་དང་ལས་ཀྱི་འབྲས་བུ་ཆུད་མི་ཟ་བ་དང་། ལས་དང་ལས་ཀྱི་འབྲས་བུ་མི་གོས། གོས་པར་མི་འགྱུར། གོས་སུ་མེད་པར་སྟོན་པའི་མཐར་ཐུག་གོ། དེ
130b2 ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ།། ཇི་སྙེད་འཇིག་རྟེན་འཁྲུལ་པའི་ཆོས།། མ་རིག་རྟོག་པའི་གཟུང་འཛིན་གྱིས།། ཕྱི་ནང་རྟེན་འབྲེལ་གཉིས་སུ་འཁོར།། མི་མཐུན་བདེ་སྡུག
130b3 མྱོང་བར་འགྱུར།། རང་བཞིན་ཉིད་ལས་ཉམས་པ་མེད།། ཡང་དག་སྒྱུ་མའི་ཚུལ་གཉིས་སུ།། བདག་དང་བདག་གི་གཞན་མེད་དེ།། རྣམ་དག་དབྱིངས་ཉིད་ཚུལ་གཅིག་གོ། བདག་དང་བདག་གི་གཞན་རྣམས
130b4 ནི།། ལོག་པར་རྟོག་པ་ཙམ་ཉིད་ལས།། ཕྲ་ཞིང་ཟབ་པའང་ཡོད་མ་ཡིན།། ལོག་རྟོག་ཉིད་ལ་ཉིད་སྤྱོད་པས།། གཞན་དུ་གཡོ་བ་ཅི་ཡང་མེད།། ལོག་རྟོག་རྒྱུ་འབྲས་རྒྱུན་ཉིད་ཀྱང་།། གཞི་རྩ་མེད་དབྱིངས་སྐད་ཅིག
130b5 མ།། རྣམ་པར་དག་པའི་དབྱིངས་ཉིད་ཚུལ།། ཉིད་ལ་དབང་སྒྱུར་ཉིད་སྤྱོད་ཕྱིར།། བདག་དང་གཞན་དང་རྟོག་པའི་རྒྱུན།། རྣམ་དག་བླ་མེད་ཐེག་པའི་མཆོག། ཐེག་པ་བཞི་ཡི་ངེས་འབྱུང་ལ།། ཐེག་པ་གཅིག་གི
130b6 འབྲས་བུར་གནས།། ཡང་དག་རྟོགས་པས་རབ་བརྟགས་ན།། རང་བཞིན་མེད་ལས་ཅིར་ཡང་འགྲུབ།། སངས་རྒྱས་མྱ་ངན་ཡོངས་མི་འདའ།། ཆོས་ཀྱང་ནུབ་པར་མི་འགྱུར་ཏེ།། མ་རིག་སྨིན་མཛད་འདུལ་བའི
iiif viewer powered by OpenSeadragon
