| e-texts navigator |
| Wylie |
122b1 ཁ་སྦྱར་ཡུམ།། ཀ་བ་བཅུ་ལ་སོགས་པ་ལ།། བརྒྱད་བྲི་དབུས་སུ་གནོད་པར་བྱ།། ལས་བྱེད་བརྒྱད་དམ་བཅུ་གཉིས་བྲི།། འབྱུང་པོ་གདོལ་པ་ང་རྒྱལ་ཅན།། ཆགས་སྡང་ཏི་མུག་རྒྱུ་ཡིས་བསླད།། འབྱུང་པོ་དུག་གསུམ
122b2 བཤིག་པའི་ཕྱིར།། རྣལ་འབྱོར་སྒྲུབ་པ་ཆེན་པོ་བཤད།། རུ་དྲ་ལྔ་ཡི་ཉོན་མོངས་ཅན།། ཡེ་ཤེས་ཆེན་པོ་ལྔས་གཞོམ་ཕྱིར།། ཚོགས་བདག་དཔལ་ཆེན་ཧེ་རུ་ཀ། འཇིགས་པ་ཆེན་པོ་འཇིགས་པ་རུ།། ཁྲོ་བའི་མིག་ཅན
122b3 སྤུ་གྲི་ཐོགས།། མ་རིག་མུན་པའི་སྒོ་ཕྱེ་ནས།། རྩ་ཡི་དབུས་ནས་བཟུང་ནས་ཀྱང་།། སྙིང་རྗེ་ཆེན་པོ་མཉམ་པ་ཡིས།། དྲེགས་པ་ཆེན་པོ་གཞོམ་པ་དང་།། འཁོར་བའི་དགྲ་བགེགས་གསད་པའི་ཕྱིར།། ཁྲོ་ཚོགས་རྔམ
122b4 པའི་སྤྲིན་འཕྲོས་པས།། རྔམ་པ་གཏུམ་འཐུང་མགྱོགས་པའི་ཚུལ།། སེང་གེ་སྟག་དང་དོམ་དང་དྲེད།། ཕྱག་བརྙན་ཕྱག་ཆེན་ཕབ་ནས་ནི།། ཤ་དང་རུས་པ་ཁྲག་ལ་དགའ།། མ་ལུས་པར་ནི་གསང་ནས་སུ།། མགོ་ནི་ལྷོ
122b5 ནུབ་མཚམས་སུ་བསྟན།། རྐང་པ་བྱང་ཤར་མཚམས་སུ་བཏིང་།། དུར་ཁྲོད་དབང་ཕྱུག་པ་ཉིད་ཆེ།། ཡེ་ཤེས་སྐུ་སྟེ་སངས་རྒྱས་མཆོག། གནོན་པའི་དམག་ཚོགས་ཐུགས་རྗེ་ཅན།། ཡེ་ཤེས་རྣོན་པོ་མཚོན་ཆ
122b6 ས།། དགྲ་བགེགས་མ་ལུས་རྒྱུན་བཅད་ནས།། དཀྱིལ་འཁོར་གྲུ་བཞི་ཐབ་བཞི་བརྩིག། ཞི་རྒྱས་དབང་དང་མངོན་སྐྲོད་བཞིན།། དབུས་སུ་འཁོར་ལོ་ཐོག་ཏུ་བརྩིག། ཤར་ལྷོ་ནུབ་བྱང་དཀར་སེར་དམར།། མཐིང
iiif viewer powered by OpenSeadragon
