| e-texts navigator |
| Wylie |
122a1 རྩད་ནས་བསྒྲལ་བར་བྱ།། བདག་ཉིད་འཇིགས་པའི་གཟུགས་ཅན་གྱིས།། མ་རུངས་པ་རྣམས་དགུག་པར་བྱ།། ཨོཾ་ནརྀ་ཛ། བཛྲ་ཨཾ་ཀུ་ཤ་ཛ།། ནརྀ་ཛ་ནརྀ་ཛ་ནརྀ་ཛ། ས་མ་ཡ་ནརྀ་ཛ། ལིངྒ་སྨུག་ནག་འཆེར་བ
122a2 ལ།། ནརྀ་ཞེས་བྱ་བས་དབབ་པར་བྱ།། གོང་མའི་སྔགས་དང་ཚིག་གིས་བསྐུལ།། དེ་ལྟར་བསྐུལ་ཞིང་བསྒྲུབས་གྱུར་ན།། སངས་རྒྱས་རྣམ་པར་སྣང་མཛད་ཀྱང་།། ཟླ་བ་ཕྱེད་ནི་ཚུན་ཆད་ཀྱིས།། སྐམས་སམ་ཡང་ན
122a3 འཆི་བར་འགྱུར།། བཅོམ་ལྡན་འདས་ཟླ་གསང་ཆེན་པོ་ལས།། མི་མྱུར་དུ་བསྒྲལ་བའི་ལེའུ་སྟེ་བཅུ་དགུ་པའོ།། །། དེ་ནས་བཅོམ་ལྡན་འདས་ཕྱག་ན་རྡོ་རྗེས་འདི་སྐད་གསུངས་སོ།། དཀྱིལ་འཁོར་གྲུ་བཞི་ལྡན་པ
122a4 ལ།། དུར་ཁྲོད་གོ་མ་ཡེ་རུ་བྱ།། གྲུ་བཞིར་མཎྜལ་བཞི་བྱས་ལ།། བཞི་ལས་དེ་བཞིན་ཆག་རེ་བསྲེག། དེ་ལ་མ་ཏྲཾ་གཟུགས་སུ་བྱ།། དབུས་སུ་སྙིང་ག་མན་ཆད་བསྣོལ།། མཎྜལ་ཆེན་པོའི་འོག་ཏུ་གཞུག། འཁོར་ལོ
122a5 འབར་བ་བཞི་ཡི་ཐིག། དཔལ་ཆེན་ལྔ་ཡི་ཕྱག་རྒྱ་བཅའ།། འབར་བའི་བར་ཁྱམས་བཞི་དག་ལ།། གནས་དང་ཡུལ་གྱི་ཕྱག་རྒྱ་དགོད།། སྒོ་བཞི་རྡོ་རྗེ་ར་བ་བཞི།། མགོ་བརྙན་ཡན་ལག་སྤྲུལ་པའི་གནས།། དེ་ནས་ཕྱི
122a6 ཁྱམས་ཆེན་པོ་ལ།། རྡོ་རྗེ་མེ་རི་ཕྲེང་ཆེན་བཏང་།། སྐམ་དང་ར་རི་རློན་པས་བསྐོར།། མེ་དཔུང་བསྐལ་པའི་བུ་ཡུག་བྲི།། སྒོ་བཞིར་གྲུ་གུ་རྡུལ་དང་སྦྲུལ་གྱི་ཕྲེང་།། བྷནྡྷ་དཔལ་ཆེན་ལྡན་པ་ལ།། དཔལ་ཆེན་ཡིག་བྲིས
iiif viewer powered by OpenSeadragon
