| e-texts navigator |
| Wylie |
120b1 གྲང་སྡུག་བསྔལ་ཞི་བར་མཛོད།། དེ་ནས་བདག་ཉིད་ཞི་བའི་སྐུ།། ཆ་ལུགས་འཛུམ་པར་བྱས་ནས་ནི།། དངུལ་གྱི་ཕུར་པ་ཆེན་པོ་ཞིག། དེ་ཡི་སྙིང་གི་དཀྱིལ་དུ་གདབ།། ཨཱིཾ་ན་མཿས་མནྟ་བུདྡྷ་ནཱཾ།། བཛྲ་ཀཱི་ལ
120b2 ཡ།། ཨོཾ་གྷ་གྷ། གྷ་ཏ་ཡ།། གྷཱ་ཏ་ཡ།། སརྦ་དུཥྚན་ཕཊ།། ཀཱི་ལ་ཡ།། ཀཱི་ལ་ཡ། སརྦ་པཱ་པཾ་ཕཊ།། ཧཱུཾ་བཛྲ་ཀཱི་ལ་ཡ་བཛྲ་དྷ་ར་ཨཱཛྙཱ་པ་ཡ་ཏི།། ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ།། མཆོག་གི་སྦྱོར་བ་དེ་བྱས
120b3 ན།། སངས་རྒྱས་བྱང་ཆུབ་སེམས་དཔའ་འང་ཁུགས།། ཚ་གྲང་སྡུག་བསྔལ་སྨོས་ཅི་དགོས།། དེ་ཡི་སྦྱོར་བ་བྱས་གྱུར་ན།། སྐུ་གསུང་ཐུགས་ཀྱི་དངོས་གྲུབ་ཐོབ།། བཅོམ་ལྡན་ཟླ་གསང་ཆེན་པོ་ལས། ཚ་གྲང་གི་སྡུག
120b4 བསྔལ་ཞི་བར་བྱ་བའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་འདས་ཟླ་གསང་ཆེན་པོ་ལ།། བཅོམ་ལྡན་འདས་ཕྱག་ན་རྡོ་རྗེས་འདི་སྐད་ཅེས་གསོལ་ཏོ།། བགེགས་ཆེན་བཞི་པོ་འདི་དག
120b5 དང་།། དྲེགས་པ་མཐུ་ཆེན་མ་རུངས་པ།། འདི་དག་རབ་ཏུ་ཇི་ལྟར་གཞིག། རྡོ་རྗེ་སློབ་དཔོན་སྨོད་བྱེད་དང་།། ཐེག་པ་མཆོག་ལས་ལོག་པ་ཡི།། མ་རུངས་སྒྲོ་སྐུར་འདེབས་པ་རྣམས།། འདི་དག་བརླག་པ་ཇི་ལྟར
120b6 བགྱི།། བཅོམ་ལྡན་འདས་ཀྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། ནེའུ་ནི་ཝ་དང་རྣམ་པར་འཇིགས།། སོ་གཅིག་ལ་སོགས་རྣམ་པ་བཞི།། རྣམ་པ་སྤྲིན་གྱི་སྒྲོན་མ་དང་།། རྡོ་རྗེའི་མཆུ་དང
iiif viewer powered by OpenSeadragon
