| e-texts navigator |
| Wylie |
120a1 བསྔལ་རྣམ་པ་རྣམས།། མ་ལུས་པར་ནི་ཁུགས་པར་འགྱུར།། དེ་ནས་གཟུགས་ལ་ཕབ་ནས་ཀྱང་།། ལྕགས་ཀྱི་ཕུར་བུ་སོར་བརྒྱད་པ།། སྙིང་གི་དཀྱིལ་དུ་བརྒྱབ་ནས་ཀྱང་།། རྨད་དུ་བྱུང་བའི་གཏོར་མ
120a2 བཅས།། རྒྱལ་བའི་ཚོགས་སུ་དབུལ་བར་བྱ།། དེ་ལྟར་སྦྱོར་བ་ཆེར་བྱས་ན།། དངོས་གྲུབ་རྣམ་གསུམ་ཐོབ་པར་འགྱུར།། བཅོམ་ལྡན་ཟླ་གསང་ཆེན་པོ་ལས། ཡི་དྭགས་གདུལ་བའི་ལེའུ་སྟེ་བཅུ་དྲུག
120a3 པའོ།། །། དེ་ནས་བཅོམ་ལྡན་འདས་ཟླ་གསང་ཆེན་པོ་ལ།། ཕྱག་ན་རྡོ་རྗེས་འདི་སྐད་ཅེས་གསོལ་ཏོ།། ཚ་གྲང་སྡུག་བསྔལ་མི་བཟད་པ།། འདི་ཡི་སྦྱོར་བ་བཤད་དུ་གསོལ།། བཅོམ་ལྡན་འདས་ཀྱིས་བཀའ
120a4 སྩལ་པ།། བདག་ཉིད་གཤིན་རྗེ་ཁྲོས་པའི་ཚུལ།། ཁྲོ་བོ་གཤིན་རྗེ་གཤེད་པོར་བསྒོམ།། གྲོང་ཞིང་ཚ་ཞིང་འདར་བའི་གཟུགས།། གྲོ་གའམ་ཤིང་ཤུན་རས་ལ་བྲི།། གཤིན་རྗེ་གཤེད་པོའི་ཐུགས་ཀ་ནས།། ཡི་གེ་ཛ་ཞེས
120a5 བྱུང་ནས་ཀྱང་།། དེ་ལ་ལྕགས་ཀྱུ་དཀར་པོ་འཕྲོས།། ལྕགས་ཀྱུ་དེ་དག་ཐམས་ཅད་ལ།། དབང་གི་ལྷ་མོ་བསམ་མི་ཁྱབ།། རང་རྟགས་འབར་བའི་ཕྱག་མཚན་བསྣམས།། ཐུགས་རྗེའི་ལྕགས་ཀྱུ་དེ་དག་གིས།། དམྱལ
120a6 བའི་གནས་ནས་བཀུག་ནས་ཀྱང་།། ལིངྒ་ལ་ནི་ཕོབ་ནས་ཀྱང་།། རྡོ་རྗེའི་གླུ་ནི་བླངས་བྱས་ཏེ།། ཡེ་ཤེས་ལྷ་མོ་ཐུགས་རྗེའི་བདག། བདེ་བར་གཤེགས་པའི་ཕོ་ཉ་མོས།། ཚ་གྲང་སྡུག་བསྔལ་གནས་ནས་བཀུག། ཚ
iiif viewer powered by OpenSeadragon
