| e-texts navigator |
| Wylie |
118b1 ཚུལ།། རྔམ་པའི་ཚུལ་གྱིས་དགུག་པར་བྱ།། བདག་ཉིད་ཁྲོས་ཤིང་འཇིགས་པའི་གཟུགས།། གྱད་ཀྱི་དོར་བའི་ཚུལ་དུ་བྱ།། དེས་ནི་བདག་ཉིད་ཆེན་པོའང་ཁུག། སྲིན་མོ་རྣམས་ནི་སྨོས་ཅི་དགོས།། ཁྲག་དང་རུས་པ
118b2 ལས་བྱས་པའི།། ལིངྒ་སྐུ་གནག་ཉིད་དུ་བྱ།། སྲིན་པོ་ཕོ་མོ་དེ་ལ་དགུག། བདག་ཉིད་ཁྲོས་པའི་གཟུགས་སུ་བྱ།། ལྕགས་ཀྱི་སྟ་རེ་ལག་ཏུ་ཐོགས།། རྐང་པ་གཡོན་པས་ལིངྒ་མནན།། སྟ་རེས་མེད་པ་གཅད་པར
118b3 བྱ།། སྙིང་ལ་ཟོས་པར་བསམས་གྱུར་ན།། སངས་རྒྱས་རྣམ་པར་སྣང་མཛད་ཀྱང་།། ཁྲག་ཏུ་སྐྱུག་ནས་འཆི་བར་འགྱུར།། སྲིན་པོ་རྣམས་ལ་གདོན་མི་ཟ།། མཆོག་གི་སྦྱོར་བ་དེ་བྱས་ན།། སངས་རྒྱས་ཀུན་གྱི་དངོས
118b4 གྲུབ་ཐོབ།། བཅོམ་ལྡན་འདས་ཟླ་གསང་ཆེན་པོ་ལས།། སྲིན་པོ་གདུལ་བའི་ལེའུ་སྟེ་བཅུ་བཞི་པའོ།། །། དེ་ནས་བཅོམ་ལྡན་འདས་ཟླ་གསང་ཆེན་པོ་ལ།། ཕྱག་ན་རྡོ་རྗེས་འདི་སྐད་ཅེས་གསོལ་ཏོ།། བཅོམ་ལྡན
118b5 འདས་བྱོལ་སོང་རིགས་ཅན་རྣམས་རབ་ཏུ་བརླག་པར་བགྱི་འཚལ་ན།། བཅོམ་ལྡན་འདས་ཀྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། རྟ་དང་སེང་གེ་ཁྱུ་མཆོག་དང་།། སྟག་དང་སེང་གེ་གཟིག
118b6 ཆེན་དང་།། དྲེད་དང་དོམ་དང་དྲེད་མོ་དང་།། གུང་དང་བྱི་ལ་སྲེ་མོ་དང་།། སྦྲང་ཀི་གཡི་དང་འཕར་བ་དང་།། སྡེར་ཆགས་ཆུ་འབྱིན་ཕག་རྒོད་དང་།། བསེ་དང་ཁ་སྒོ་སྲིན་བུ་དང་།། ཉ་མིད་རུས་སྦལ་ཆུ་སྲིན
iiif viewer powered by OpenSeadragon
