| e-texts navigator |
| Wylie |
117b1 མེད་པར་སྟོན།། ཤར་དུ་ཞེ་སྡང་རྡོ་རྗེ་ཡབ་ཡུམ་དགོད།། ལྷོ་རུ་ང་རྒྱལ་རྡོ་རྗེ་ཡབ་ཡུམ་དགོད།། ནུབ་ཏུ་འདོད་ཆགས་རྡོ་རྗེ་ཡབ་ཡུམ་དགོད།། བྱང་དུ་ཕྲག་དོག་རྡོ་རྗེ་ཡབ་ཡུམ་དགོད།། རྩིབས་མཚན་བཞི་ནི་ཡུལ་དུ
117b2 དགོད།། འབར་བའི་བར་ཁྱམས་དང་པོ་ལ།། ཁྲོ་རྒྱལ་ཡབ་ཡུམ་ཉི་ཤུ་དགོད།། ཟ་གསོད་ཡབ་ཡུམ་ཉི་ཤུ་ཡང་།། འབར་བའི་བར་ཁྱམས་དང་པོ་ལ།། རིམ་བཞིན་དགོད་ཅིང་ངེས་པར་བཞག། འབར་བའི་བར
117b3 ཁྱམས་གཉིས་པ་ལ།། དབང་ཕྱུག་ཆེན་མོ་བརྒྱད་རྣམས་དགོད།། འབར་བའི་བར་ཁྱམས་གསུམ་པ་ལ།། ཕྲ་མེན་བརྒྱད་དང་སྤྲུལ་པའི་ཚོགས།། མ་ལུས་པར་ནི་དགོད་པར་བྱ།། ཕྱི་ཁྱམས་ལྕགས་རི་ནག་པོ
117b4 ལ།། དབང་ཕྱུག་ཉི་ཤུ་བརྒྱད་རྣམས་དགོད།། སྒོ་བཞིར་ཁྲོ་ཆེན་བཞི་རྣམས་དང་།། སྒོ་མ་བཞི་རྣམས་བཅས་ཏེ་དགོད།། ཐོད་པ་སྐམ་རློན་ཕྲེང་བས་བསྐོར།། དཀྱིལ་འཁོར་ཆེན་པོ་འདི་ཉིད་ལ།། མཆོད་ཅིང་དམ་ཚིག
117b5 རྗེས་སུ་བསྐུལ།། བདག་ཉིད་དམ་ཚིག་རྗེས་དགོངས་ན།། ལས་ཀྱི་ལྷ་སྟེ་ཧེ་རུ་ཀ། འཇིགས་པ་དག་ཀྱང་འཇིགས་འཇིགས་འདྲ།། འཁོར་བའི་གཟུགས་ཅན་མང་པོ་འབྱུང་།། ཐམས་ཅད་རྒྱུག་ཅིང་དབང་དུ་སྡུད།། ལ
117b6 གཅིག་ཁྲོས་པ་ཐམས་ཅད་ཀྱིས།། སངས་རྒྱས་ཀུན་ཀྱང་འགུགས་པར་བྱེད།། མུ་སྟེགས་ལོག་ལྟ་ཅན་རྣམས་དང་།། མ་ལུས་པར་ནི་གསད་པར་བྱ།། ཆོ་ག་འདི་ཡི་སྦྱོར་བ་ཡིས།། སངས་རྒྱས་ཁྲག་ཏུ་སྐྱུགས་ཤིང
iiif viewer powered by OpenSeadragon
