| e-texts navigator |
| Wylie |
116b1 དུ།། ཡི་གེ་ཧཱུཾ་གི་ཚོགས་བསྐྱེད་ནས།། དེ་ནས་སྣ་ཡི་དབུགས་སུ་དྲི།། ཕྱོགས་བཅུར་འཕྲོས་པས་རྒྱལ་བའི་ཐུགས།། སླར་བསྡུས་གཉིས་སུ་མེད་པར་སྦྱར།། དེ་ནས་ཕྱག་ན་རྡོ་རྗེ་ཉིད།། ཁྲོས་ཤིང་འཁྲུགས་ནས་རྔམ
116b2 པའི་ཚུལ།། ཀླུ་རྣམས་རབ་ཏུ་འགུགས་པར་བསམ།། ཁྲོ་བོའི་གཟུགས་བརྙན་ཀུན་འདུས་ནས།། སངས་རྒྱས་ཀུན་ཡང་འགུགས་འགྱུར་ན།། ཀླུ་རྣམས་ལ་ནི་གདོན་མི་ཟ།། དེ་ཡི་སྔགས་ནི་བརྗོད་བྱ་བ།། ཨོཾ་ནཱ་ག་ཛ།།
116b3 ནཱ་ག་ས་མ་ཡ་ཛ། ན་ནི་ན་ཛ། ས་མ་ཡ་ཛ། ཁྲག་དང་ཀེ་ཚེ་ལན་ཚྭར་སྦྱར།། བ་ཡི་ལྕི་བ་སོལ་ཕྱེད་དང་།། སྐེ་ཚེ་རུས་པའི་ཕྱེ་མ་དང་།། མར་དང་སྦྱར་ལ་གཟུགས་སུ་བྱ།། མ་རུངས་ཀླུ་རྣམས་སྙིང་ག་རུ།། ལྕགས་ཀྱི
116b4 ཕུར་པ་སོར་བརྒྱད་པས།། མ་རུངས་པ་ཡི་སྙིང་གར་གདབ།། བདག་ཉིད་ཁྲོས་ཤིང་འཁྲུགས་པ་ཡི།། ཕྱག་ན་རྡོ་རྗེའི་གཟུགས་སུ་བྱ།། དེ་ཡི་སྤྲུལ་པའི་འཁོར་ཚོགས་ནི།། བྱ་ཁྱུད་རླབས་ཆེན་མང་པོ
116b5 དང་།། འདབ་ཆགས་རྒྱུ་ཞིང་མགོ་བརྙན་སྦྲུལ།། དེ་ལྟར་བཀུག་ཅིང་དབང་བསྡུས་ན།། ཕྱོགས་བཅུའི་སངས་རྒྱས་རྣམས་ཀྱང་ཁུག། ཀླུ་རྣམས་ལ་ནི་གདོན་མི་ཟ།། ཕྱག་ན་རྡོ་རྗེ་ཞལ་གསུམ་པ།། ཞབས་དྲུག་ཀླུ
116b6 རྣམས་ཐམས་ཅད་བརྫིས།། གཡས་ཀྱི་གསུམ་ན་བསྣམས་པ་ནི།། ཁ་ཊྭཱཾ་རྩེ་གསུམ་འབར་བས་རྒོལ།། རྡོ་རྗེ་ཆེན་པོས་འཐག་ཅིང་བརྡུང་།། འཁོར་ལོ་འབར་བས་དུམ་བུར་གཅོད།། གཡོན་གྱི་ཕྱག་ན་བསྣམས་པ
iiif viewer powered by OpenSeadragon
