| e-texts navigator |
| Wylie |
115b1 འཁྲུགས་པ་ཡིས།། གསང་སྔགས་འདི་དག་བཟླ་བར་བྱ།། ཡཀྵ་ཛཱ་ལ་ས་མ་ཡ་ན་མཿས་མནྟ་བུདྡྷ་ནཱཾ། བཛྲ་ཀཱི་ལི་ཀཱི་ལ་ཡ། ཨོཾ་གྷ་གྷ། གྷཱ་ཏ་ཡ་གྷཱ་ཏ་ཡ། སརྦ་དུཥྚཱན་ཕཊ། ན་མཿས་མནྟ་བུདྡྷ་ནཱཾ། དེ་སྐད་ཅེས་ནི་བརྗོད
115b2 གྱུར་ན།། གནོད་སྦྱིན་སྲོག་ལྟ་སྨོས་ཅི་དགོས།། ཐོ་བ་རྡོ་རྗེ་ལག་ན་ཐོགས།། བཤང་གཅི་ཟས་སུ་བཟའ་བ་དང་།། སྐུ་གསུམ་རྡོ་རྗེ་སྟེར་བའི་མཆོག། སངས་རྒྱས་དྲག་པོ་མཐུ་ཆེན་ཆེ།། སངས་རྒྱས་ཀུན་ཀྱང་གནོན
115b3 པར་བྱེད།། དེས་ནི་གསོད་པའི་ལས་མཆོག་ཡིན།། སངས་རྒྱས་ཀུན་ཀྱང་འགུགས་གྱུར་ན།། གནོད་སྦྱིན་ཕོ་མོ་སྨོས་ཅི་དགོས།། ཆོ་ག་འདི་ཡི་སྦྱོར་བ་ཡིས།། དངོས་གྲུབ་མཆོག་གསུམ་ཐོབ་པར་འགྱུར།། བཅོམ་ལྡན
115b4 འདས་ཟླ་གསང་ཆེན་པོ་ལས། གནོད་སྦྱིན་ཕོ་མོ་དགུག་པའི་ཆོ་གའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་ཟླ་གསང་ཆེན་པོ་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ།། ལྷ་མ་ཡིན་དང་ནམ་མཁའ
115b5 ལྡིང་།། ལྟོ་འཕྱེ་དྲི་ཟ་གྲུལ་བུམ་ཚོགས།། འདི་དག་ཞི་བར་བྱ་བའི་དོན།། བཅོམ་ལྡན་འདས་ཀྱིས་བཤད་དུ་གསོལ།། སྟོབས་ཆེན་ཁྲོ་བོ་ཆེན་པོའི་གཟུགས།། འདི་དག་རབ་ཏུ་དགུག་པའི་ཕྱིར།། བདག་ནི་རྟ་མགྲིན
115b6 རྒྱལ་པོར་བསྒོམ།། དེ་ཡི་ཐུགས་ཀྱི་དཀྱིལ་འཁོར་དུ།། ཧྲཱིཿཡི་ཚོགས་ནི་མང་པོ་འཕྲོས།། དབང་མཆོག་རྟ་ཡི་རྒྱལ་པོའི་ཚོགས།། ཕྱོགས་བཅུ་དག་ཏུ་འཕྲོས་ནས་ཀྱང་།། ལྷ་མ་ཡིན་ལ་སོགས་པའི་ཚོགས།། མ་ལུས
iiif viewer powered by OpenSeadragon
