| e-texts navigator |
| Wylie |
115a1 ཚིག་བརྗོད་པ།། ཨོཾ་ན་མཿས་མནྟ་བཛྲ་མུ་ཏི་ནན། ག་རུ་ནན། ཚལ་ཚལ་སུམ་བྷ་ནཾ་སུམ་བྷ། དེ་ལྟར་བསྙེན་ཅིང་རབ་བསྒྲུབས་ན།། སངས་རྒྱས་སོགས་ཀྱང་བརླག་པར་བྱེད།། ལྷ་རྣམས་ལའང་སྨོས་ཅི
115a2 དགོས།། བཅོམ་ལྡན་འདས་ཟླ་གསང་ཆེན་པོ་ལས།། ལྷའི་ཚོགས་བསད་པའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་ཟླ་གསང་ཆེན་པོ་ལ། ཕྱག་ན་རྡོ་རྗེས་འདི་སྐད་ཅེས་གསོལ་ཏོ།། གནོད་སྦྱིན
115a3 མོ་མ་རུངས་པ།། འདི་དག་ཐམས་ཅད་དགུག་པའམ་བཅིང་བ་ཅི་ལྟར་བགྱི། བཀའ་སྩལ་པ། གནོད་སྤྲིན་ཕོ་མོའི་གཟུགས་བཅས་ལ།། ཕྱག་ན་རྡོ་རྗེ་ཁྲོ་བག་ཆེ།། གཏུམ་ཞིང་འཇིགས་པའི་གཟུགས་སུ་བསམ།། སྤྲུལ
115a4 ནག་རབ་ཏུ་ཁྲོ་བ་ནི།། འཇིགས་པའི་སྐུར་ཡང་རབ་ཏུ་སྣང་།། བདག་གི་དཔྲལ་བའི་དབྱིངས་ཉིད་དུ།། ཡི་གེ་ཧཱུཾ་གི་ཚོགས་འདུས་ནས།། ཕྱག་ན་རྡོ་རྗེ་མང་པོ་འཕྲོས།། ནམ་མཁའི་ཁམས་ཀུན་བཀང་ནས
115a5 ཀྱང་།། གནོད་སྦྱིན་ཕོ་མོའི་ལག་ནས་འཛིན།། སྙིང་ནས་འདྲེན་ཅིང་རྒྱབ་ནས་འཕུལ།། ཁྲོས་པའི་གཟུགས་ཅན་མང་པོས་ཀྱང་།། གནོད་སྦྱིན་ཕོ་མོ་འགུགས་པར་བྱེད།། བདག་གི་ལུས་ཀྱང་ནམ་མཁའ་ཁེབས།། དེ
115a6 ལྟར་བྱས་ཤིང་བསམས་གྱུར་ན།། སངས་རྒྱས་མཐུ་ཡང་མྱུར་དུ་ཐུབ།། སངས་རྒྱས་རྣམ་པར་སྣང་མཛད་ཀྱང་།། ཁྲག་ཏུ་སྐྱུག་ཅིང་མཐུ་སྟོབས་སྟེར།། གནོད་སྤྲིན་རྣམས་ལྟ་སྨོས་ཅི་དགོས།། བདག་ཉིད་ཁྲོས་ཤིང
iiif viewer powered by OpenSeadragon
