| e-texts navigator |
| Wylie |
112b1 པ།། བདག་ཉིད་ཁྲོ་ཚོགས་རྔམ་པར་བྱས།། གཡས་ཀྱི་ཁ་ཊྭཱཾ་གིས་བསྒྱེལ་ལ།། གཡོན་གྱི་ལྕགས་ཀྱུས་རིལ་མིང་བྱ།། ཡང་ན་དགྲ་ཡི་མིང་བྱང་ནི།། དུར་ཁྲོད་སོལ་བ་དག་ལ་བྱ།། དེ་ལ་སྔགས་རྣམས་བཟླས་པ
112b2 ནི།། སྟོང་ནི་རྩ་བརྒྱད་དག་ཏུ་བཟླས།། ཧོམ་ཁུང་གྲུ་གསུམ་མཐིང་ནག་ཏུ།། ཚེར་མའི་མེ་ལ་ཁྲོ་ཞིང་དབུལ།། རྡོ་རྗེ་སེམས་དཔའང་འཆི་བར་འགྱུར།། སྐེ་ཚེ་ལན་ཚྭ་འབྲུ་མར་དང་།། དགྲ་ཡི་གཟུགས་བརྙན་ལེགས་སུ
112b3 བྱ།། ཆུ་འགྲམ་གཉིས་སུ་བསྐུལ་ལ་བཏབ།། ཡུངས་ཀར་གྱི་ནི་འབྲུ་ཙམ་དག། དུག་དང་རྩུབ་པའི་མེ་ལ་བསྲེག། མེ་ལྕེ་དམར་ནག་ཕྱོགས་བཅུར་འཕྲོ།། དེ་ཡི་འདུ་འཕྲོས་བག་ཆགས་བསྲེགས།། འབར་ཞིང་མཆེད
112b4 པ་དུར་ཁྲོད་མེ།། ཉོན་མོངས་བསྲེག་པའི་མེ་སྦར་བས།། ཁམས་གསུམ་ཉོན་མོངས་བསྲེག་པར་བྱེད།། ཁམས་གསུམ་དགྲ་བགེགས་ལུས་དག་བསྲེག། འདི་ལྟར་སྦྱོར་བ་ཆེར་བྱས་ན།། སངས་རྒྱས་དག་ཀྱང་བརླག
112b5 པར་བྱེད།། དུག་གི་འབྲུའམ་སྐེ་ཚེའམ།། མར་ལས་བྱུང་བའི་རྫས་ཆེན་འདིས།། རྒྱལ་བ་ཐམས་ཅད་བསད་པ་ལ།། མཆོག་གི་སྦྱོར་བ་འདི་དག་གིས།། ཁྲག་དང་རུས་ཕྱེ་དུག་རྣམས་བསྲེས་ནས་སུ།། རང་གི་ལུས་ལ
112b6 བྱུགས་པར་བྱ།། ལིངྒ་ལ་ནི་རྐང་པས་མནན།། དེ་ནས་སྲིན་པོ་ཕོ་མོ་རྦད།། སྲིན་པོའི་ལས་ཆེན་ཤ་ལ་དགའ།། སྲིན་པོའི་ལས་ཆེན་ཁྲག་ལ་དགའ།། སྲིན་པོའི་ལས་ཆེན་རུས་ལ་དགའ།། སྲིན་པོའི་ལས་ཆེན་དོན་སྙིང
iiif viewer powered by OpenSeadragon
