| e-texts navigator |
| Wylie |
111a1 འགྱུར།། བཅོམ་ལྡན་འདས་ཟླ་གསང་ཆེན་པོ་ལས། དྲེགས་པ་ཆེན་པོ་ཐམས་ཅད་གསད་པའི་ལེའུ་སྟེ་བདུན་པའོ།། །། དེ་ནས་དཀྱིལ་འཁོར་ཐམས་ཅད་བྱིན་གྱིས་རློབས་པ་ཞེས་བྱ་བའི་ཏིང་ངེ
111a2 འཛིན་ལ་སྙོམས་པར་ཞུགས་སོ།། དེ་ནས་བཅོམ་ལྡན་འདས་ཀྱིས། དཀྱིལ་འཁོར་གྲུ་བཞིར་བྱིན་གྱིས་བརླབས་སོ།། བུ་མོ་ཨུཏྤལ་འཚེར་བའི་མཆོག། ལོ་གྲངས་བཅུ་གཉིས་ལོན་པ་ལ།། དཀྱིལ་འཁོར་རྒྱས་པར་བྱིན
111a3 གྱིས་བརླབས།། ཉམས་དགའ་དབེན་པའི་ས་ཕྱོགས་སུ།། བསྒྲུབ་པ་བརྩམ་པ་རབ་ཏུ་ཤིས།། དེ་ནས་དཀྱིལ་འཁོར་གྲུ་བཞི་ལ།། དེ་ནས་ལས་རྣམས་བརྩམ་པར་བྱ།། བདུད་རྩི་རྣམ་ལྔས་སྐྱང་ནུལ་བྱ།། དེ་ནས་སྲད
111a4 བུའི་སྦྱོར་བ་དག། ཉིད་ཀྱིས་ས་བཅད་སྙོམས་པར་བྱ།། འཁོར་ལོ་རྩིབས་བཞི་མུ་ཁྱུད་བཅས།། འབར་བའི་བར་ཁྱམས་གཉིས་ཀྱིས་མཛེས།། ཀུན་ཏུ་གྲུ་བཞི་མུ་ཁྱུད་ལྡན།། དབུས་སུ་དབུ་དགུ་འཇིགས་པར
111a5 བསྟན།། བྷནྡྷ་ཁ་སྦྱོར་ཡབ་ཡུམ་ལས།། དངོས་གྲུབ་འབྱུང་བའི་རྟེན་དུ་བཞག། ཆོས་ཀྱི་འཁོར་ལོའི་ཤར་ཕྱོགས་སུ།། ཞེ་སྡང་འཇོམས་བྱེད་ཧེ་རུ་ཀ་ཡབ་ཡུམ་བཞུགས།། ཆོས་ཀྱི་འཁོར་ལོའི་ལྷོ་ཕྱོགས་སུ།། ང་རྒྱལ
111a6 འཇོམས་བྱེད་ཧེ་རུ་ཀ་ཡབ་ཡུམ་བཞུགས།། ཆོས་ཀྱི་འཁོར་ལོའི་ནུབ་ཕྱོགས་སུ།། འདོད་ཆགས་འཇོམས་བྱེད་ཧེ་རུ་ཀ་ཡབ་ཡུམ་བཞུགས། ཆོས་ཀྱི་འཁོར་ལོའི་བྱང་ཕྱོགས་སུ།། ཕྲག་དོག་འཇོམས་བྱེད་ཧེ་རུ་ཀ་ཡབ
iiif viewer powered by OpenSeadragon
