| e-texts navigator |
| Wylie |
109b1 ཅད། བཅོམ་ལྡན་འདས་ཇི་ལྟར་བཟློག་པར་བགྱི། གཟིར་མནན་གྱི་ལས་ནི་ཇི་ལྟར་བགྱི། དགུག་ནི་ཇི་ལྟར་དགུག། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།། བདག་ཉིད་གཏུམ་བག
109b2 འཇིགས་པའི་གཟུགས།། ཁྲོས་པའི་སྤྲིན་ཆེན་འཇིགས་པར་གཏིབས།། རཀྟའི་ཆུ་ཡིས་གཤེར་བའི་གོས།། བགོས་ནས་དབེན་ས་ཆེན་པོ་རུ།། ལྷ་ཆེན་ལིངྒ་རྐང་པས་མནན།། ཁྲོ་བོའི་རྒྱལ་པོའི་སྟངས་སྟབས
109b3 བཅས།། ལྕགས་ཀྱུ་དཀར་དམར་ལག་ན་ཐོགས།། ངེས་པར་བཀུག་ཅིང་བརྡུང་བ་དག། དེ་ནས་མཚོན་ཆས་གཅད་པར་བྱ།། གང་ཡིན་པ་ཡི་གཟུགས་བྲིས་ལ།། དགུག་ཅིང་དེ་ལ་དབབ་པར་བྱ།། སོ་སོའི་སྔགས
109b4 དང་མིང་དག་བྲིས།། དེ་ནས་ཐལ་བས་གཤེར་བ་བྱས་ལ་བརྡུངས།། བཤང་གཅི་རུལ་པའི་དྲི་མནམས་པ།། དེའི་གོས་ལ་བྱུགས་ནས་ནི།། བདག་ཉིད་དུ་ནི་བགོ་བར་བྱ།། ཁྲོ་ཞིང་འཁྲུགས་པའི་གཟུགས་ཅན
109b5 དུ།། བདག་ཉིད་རབ་ཏུ་བསྒོམ་པར་བྱ།། ཁྲོ་བོའི་སྔགས་ནི་ཀུན་བཟླས་ནས།། མ་རུངས་པ་ནི་ཚིག་བསམས་ནས།། མནན་ནམ་གཟིར་བའི་སྔགས་བྱས་ནས།། མྱུར་དུ་སྐོམ་སྟེ་འཆི་བར་འགྱུར།། བརྒྱ་ནི་རྩ་བརྒྱད
109b6 སྔགས་བཟླས་ན།། སངས་རྒྱས་ཀུན་ཡང་འཇིགས་པར་འགྱུར།། སྐྲ་བཤིག་གོས་ནི་གཤེར་བར་བྱ།། འཇིགས་པའི་ཚུལ་འཆང་ཁྲོས་པའི་གཟུགས།། ཁྲོ་རྒྱལ་འཇིགས་ཚུལ་མང་པོ་སྦྲུལ།། མ་མོ་རྔམས་པ་མང་པོའང
iiif viewer powered by OpenSeadragon
