| e-texts navigator |
| Wylie |
109a1 ཀ་ཡ་ཝཱ་ཀ་ཙིཏྟ་བཛྲཱ་ཎཱཾ། ཨ་ཙ་ལ་ཀཱ་ན། ཧ་ན་ཧ་ན་ཕཊ། བཛྲ་ཀཱི་ལི་ཀི་ལ་ཡ་སརྦ་བིགྷྣཱ་ན་པཾ་ཧཱུཾ་ཕཊ།། ན་མོ་སོར་བཞག་སྭ། ཨ་པྲ་ཧ་ཏེ་བྱ། ཛ་ལ་ཡ། ཏྲ་ཐ་ཡ། ཨ་པ་ར་ན། ཚིག་འདི་བརྗོད་མ་ཐག་ཏུ
109a2 ཡང་།། ལྷ་རྣམས་བརྒྱལ་ཞིང་བསྲེག་པར་འགྱུར།། མཐུ་ཆེན་ལྷ་རྣམས་བསྲེགས་ནས་ཀྱང་།། ཐམས་ཅད་མ་ལུས་འཇོམས་པར་བྱེད།། རྡོ་རྗེ་སྦྱོར་བ་ཆེན་པོ་ཡིས།། སྙིང་གི་དཀྱིལ་དུ་རྡོ་རྗེ་ལྕགས་ཀྱུ་བསམ།། ཐམས
109a3 ཅད་མ་ལུས་དགུག་པར་བྱ།། དེ་ནས་ཕུར་བུས་ངེས་པར་གདབ།། ལྕགས་ཀྱི་ཕུར་པ་སོར་བརྒྱད་ཀྱི།། སྙིང་གི་དཀྱིལ་འཁོར་དུ་བརྒྱབ་བྱས་ནས།། ཡན་ལག་རྣམས་ཀྱང་བཅིང་བར་བྱ།། དེ་ནི་སྦྱོར་བ་ཆེན་པོ
109a4 ཡིན།། བཅོམ་ལྡན་འདས་ཟླ་གསང་ཆེན་པོ་ལས། དགྲ་བགེགས་ཀྱི་སྦྱོར་བའི་ལེའུ་སྟེ་དྲུག་པའོ།། །། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ཟླ་གསང་ཆེན་པོ་ལ། འདི་སྐད་ཅེས
109a5 གསོལ་ཏོ།། ལྷ་ཆེན་པོ་དང་། ཕྱོགས་སྐྱོང་དང་། ཚངས་པ་དང་། གཟའ་དང་། རྒྱུ་སྐར་དང་། འབྱུང་པོ་དང་། རོ་ལངས་དང་། རྦོད་གཏོང་ཕྲ་མོ་དང་། དྲེགས་པ་ཅན་མུ་སྟེགས་ཀྱི་རྦོད་གཏོང་དང་། མཐུ་རྩལ་དྲེགས
109a6 པ་ཅན་ཀླུ་དང་། གནོད་སྦྱིན་དང་། གང་དག་གཟའ་ཆེན་པོ་ཁྲོས་པའི་གཟུགས་ཅན་མང་པོ་དང་། རྡོ་རྗེ་སློབ་དཔོན་སྨོད་པ་དང་། ཐེག་པ་ཆེན་པོ་སྨོད་པ་དང་། གང་དག་བཀྲ་མི་ཤེས་པར་བགྱིད་པ་འདི་དག་ཐམས
iiif viewer powered by OpenSeadragon
