| e-texts navigator |
| Wylie |
105a1 བཅོམ་ལྡན་འདས་ཀྱིས་དགྲ་རྣམས་འཇོམས་པ་ཞེས་བྱ་བའི་ཏིང་ངེ་འཛིན་འདི་བཀའ་སྩལ་ཏོ།། དང་པོར་མ་སྐྱེས་ཆོས་ཉིད་དབྱིངས།། བྱང་ཆུབ་སེམས་ནི་ཀུན་ཏུ་འཕྲོ།། ཡིག་འབྲུ་འཕྲོ་ཞིང་ཀུན་ཏུ
105a2 གསལ།། ཡི་གེའམ་ཕྱག་མཚན་ཕྱག་རྒྱར་གྱུར།། ཞལ་གསུམ་ཕྱག་དྲུག་རབ་ཏུ་འབར། དེས་ནི་དགྲ་བགེགས་དབང་དུ་སྡུད།། ཕོ་ཉ་རྣམ་པར་བསྐུལ་བ་ནི།། རྡོ་རྗེ་ཅན་སོགས་རྒྱབ་ནས་ཕུལ།། ལྕགས་ཀྱུ་ཅན་སོགས
105a3 མདུན་ནས་འདྲེན།། ཟ་བའི་ཕོ་ཉ་ཚོགས་ཆེན་རྣམས།། དྲག་པོ་གཏུམ་པོ་ཁྲོ་བོ་དང་།། སྟག་དང་བྱ་རོག་ཝ་རྣམས་ཚོགས།། ཁྱིའམ་བྱ་རོག་སེངྒེར་བསྒོམ།། དེ་དག་དྲངས་ཤིང་རབ་ཏུ་བརྡུང་།། དེ་ལྟར་བསྒོམས་ན
105a4 སངས་རྒྱས་ཀྱང་།། ཟླ་བ་ཕྱེད་ནི་ཚུན་ཆད་ཀྱིས།། འཆི་བར་འགྱུར་བར་གདོན་མི་ཟ།། ཟླ་གསང་ཆེན་པོ་ལས། དགྲ་ཉེ་བར་འཆི་བར་བྱེད་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་ཟླ་གསང
105a5 ཆེན་པོ་ལ། ཁྲོ་བོ་ཆེན་པོ་གཤིན་རྗེའི་གཤེད་པོས་འདི་སྐད་ཅེས་གསོལ་ཏོ།། དགྲ་བགེགས་འདུལ་བ་ཇི་ལྟར་བགྱི། ཐབས་ནི་གང་ལགས། སྐུལ་བའི་སྙིང་པོ་ནི་ཇི་སྐད་བརྗོད། དེ་སྐད་ཅེས་གསོལ་པ་དང་། བཅོམ
105a6 ལྡན་འདས་ཟླ་གསང་ཆེན་པོས་འདི་སྐད་བཀའ་སྩལ་ཏོ།། བསྒྲུབ་པར་བྱ་བའི་གནས་མཆོག་ན།། རབ་ཏུ་ཤིས་པར་བཙལ་བ་སྟེ།། འཁོར་ལོ་པདྨ་འདབ་བརྒྱད་དེ།། ཡིད་དུ་འོང་དང་དབེན་པའི་མཆོག། ངེས་པར་ས
iiif viewer powered by OpenSeadragon
