| e-texts navigator |
| Wylie |
9a1 འདོད་བཞིན་བརྟན་བྱས་པར།། བསྒྲུབས་ན་ལས་རྣམས་ཐམས་ཅད་ཀྱང་།། ངེས་པ་ཉིད་དུ་འགྲུབ་པར་འགྱུར།། གཞན་ཡང་སེམས་དཔའ་སེམས་མ་དང་།། ཁྲོ་བོ་དང་ནི་ཁྲོ་མོ་དང་།། སྒོ་སྐྱོང་སྦྲུལ་སྐུ
9a2 ལ་སྩོགས་ཏེ།། བསམ་ཡས་ཇི་སྙེད་བཀོད་པ་རྣམས།། གཉིས་མེད་བདག་པོའི་བྱིན་རླབས་ལས།། སོ་སོ་རང་རིག་གསང་སྔགས་དང་།། ཐུགས་མཚན་རང་རྟགས་ཕྱག་རྒྱ་ལས།། སོ་སོ་ཡོངས་སུ་རྫོགས་པའི
9a3 སྐུ།། རང་རང་མཚན་ཉིད་ཡོངས་བརྗོད་ཅིང་།། རྡོ་རྗེ་གསང་བའི་གྲལ་འཁོད་དེ།། བསམ་ཡས་དག་ཀྱང་དེ་བཞིན་ནོ།། གནས་དག་དང་ནི་དཀྱིལ་འཁོར་དང་།། འགྲོ་རྣམས་བཀོད་པ་ཇི་ལྟ་བར།། དེ་འདྲར་སྟོན་པ
9a4 མཆོག་གིས་མཛད།། དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། ཏིང་ངེ་འཛིན་རིམ་པར་བཀོད་པའི་ལེའུ་སྟེ་དང་པོའོ།། །། དེ་ནས་རྡོ་རྗེ་ཡིད་ཀུན་ཏུ་བཟང་པོ་རང་གི
9a5 སྟན་ལས་ལངས་ཏེ། བཅོམ་ལྡན་འདས་གསང་བ་མཆོག་གི་བདག་པོ་ལ་ཕྱི་ནང་གི་མཆོད་པའི་སྤྲིན་ཐམས་ཅད་ཀྱིས་མངོན་པར་མཆོད་དེ། ལན་བརྒྱ་ཕྲག་སྟོང་དུ་བརྐྱང་ཕྱག་འཚལ་ནས་འདི་སྐད་ཅེས་གསོལ་བ
9a6 བཏབ་བོ།། ཨེ་མའོ་བདེ་གཤེགས་བཅོམ་ལྡན་འདས།། ཨེ་མའོ་གསང་མཆོག་དགྱེས་པ་ཆེ།། ཨེ་མའོ་རྣམ་དག་དག་པའི་ལམ།། ངོ་མཚར་འབྱུང་བ་ཁྱོད་ལ་འདུད།། ཀྱེ་མ་སངས་རྒྱས་བཅོམ་ལྡན་འདས།། དཀྱིལ
iiif viewer powered by OpenSeadragon
