| e-texts navigator |
| Wylie |
99a1 ཀྱང་།། ལྷ་རྣམས་རིམ་པར་བསྐྱེད་པ་ནི།། ཏིལ་འབྲུ་ཙམ་གྱི་རང་བཞིན་ལས།། ཇེ་ཆེ་ཇེ་ཆེར་བསྐྱེད་ནས་ཀྱང་།། རང་ལུས་རྒྱལ་བའི་ཕྱག་རྒྱ་ཆེ།། བསྒོམས་པས་མངོན་དུ་གྱུར་པའི་ལྷ།། ཆེ་བའི་ཡོན
99a2 ཏན་བསམ་མི་ཁྱབ།། མཚན་དང་དཔེ་བྱད་མངོན་ཤེས་ལྡན།། འཇིག་རྟེན་འཕངས་དང་བཏེག་པ་དང་།། ཆོ་འཕྲུལ་སྣ་ཚོགས་བསྟན་པ་དང་།། རིགས་རྣམས་སོ་སོར་བསྒྲག་པ་དང་།། དེ་ལྟར་ལྷ་ཡི་སྐུར་གྱུར
99a3 ནས།། རིག་འཛིན་ཕྱག་རྒྱ་ཆེན་པོ་ཡིན།། དེ་ལྟར་ཨ་ཉིད་སྟོང་པ་ལ།། དངོས་པོར་འཛིན་པ་འཁྲུལ་པ་ཡིན།། དངོས་པོ་ཇི་ལྟར་སྟོང་ཞེ་ན།། ཨ་ཉིད་མ་སྐྱེས་ཞི་བ་སྟེ།། ཨ་ལས་ཡིག་འབྲུ་ཐམས་ཅད་བསྐྱེད།། ཨ་ལྟར
99a4 ཡིག་འབྲུ་ཐམས་ཅད་དེ།། ཡིག་འབྲུ་སྟོང་པས་ལྷ་ཡི་སྐུ་བསྐྱེད་སྟོང་།། སྐུ་གསུང་ཐུགས་དང་ཡོན་ཏན་ཕྲིན་ལས་རང་བཞིན་སྟོང་།། དཔེར་ན་ནམ་མཁའ་སྟོང་པ་ལ།། མེད་པས་ཡོད་པར་བརྟགས་པ་བཞིན།། ཆོས
99a5 ཉིད་རང་བཞིན་སྟོང་པ་ལ།། མཚན་མའི་དངོས་པོར་སྐུར་བསྟན་པ།། མཁའ་ལ་འཇའ་ཚོན་འབྱུང་བ་འདྲ།། དེ་ལྟར་ཆོས་ཉིད་དངོས་མེད་ཡིན།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང
99a6 ཆེན་པོའི་མདོ་ལས། གསང་སྔགས་ཀྱི་ལེའུ་སྟེ་ཞེ་གཅིག་པའོ།། །། དེ་ནས་འཁོར་དེར་འདུས་པ་རྣམས་ཀྱིས་སེམས་དཔའ་དམ་པ་ལ་འདི་སྐད་ཅེས་གསོལ་ཏོ།། ཏིང་ངེ་འཛིན་གྱི་བྱེ་བྲག་ཇི་ལྟར་ལགས།། སེམས
iiif viewer powered by OpenSeadragon
