| e-texts navigator |
| Wylie |
98a1 བསལ་བས་ན།། འཁོར་བའི་བར་དུ་དག་པར་ཡང་།། འཇིག་རྟེན་སྡིག་བྱེད་དེ་སྦྱང་ཕྱིར།། འཁོར་བ་སྲིད་དུ་བདག་ཉིད་འདུལ།། ཇི་ལྟར་པདྨ་རབ་དམར་ཡང་།། ཚོན་གྱི་ཉེས་པས་མི་གོས་པ།། དེ
98a2 བཞིན་གནས་ཀྱི་ཉེས་པ་ཡིས།། འགྲོ་ཕན་རྣམས་ལ་མི་གོས་སོ།། འདོད་ཆགས་ཆེན་པོ་རྣམ་པར་དག། བདེ་བ་ཆེ་ཞིང་ནོར་ཆེ་ལ།། ཁམས་གསུམ་དབང་ཕྱུག་ཐོབ་པས་ནི།། སེམས་ཅན་དོན་རྣམས་བསྟན་པར
98a3 བྱེད།། ཅེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། བསྒྲུབ་པ་གསང་བའི་ལེའུ་སྟེ་བཞི་བཅུ་པའོ།། །། དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ
98a4 རྗེ་ལ་འདི་སྐད་ཅེས་གསོལ་ཏོ།། གསང་སྔགས་ཀྱི་དོན་ཇི་ལྟ་བུ་ལགས།། སེམས་དཔའ་དམ་པས་བཀའ་སྩལ་པ།། ཡང་དག་གསང་བའི་དོན་ཆེན་འདི།། རྒྱལ་བའི་ཐུགས་དམ་བསྐུལ་བ་དང་།། མཚམས་གཅད
98a5 གནས་པར་བྱ་བ་དང་།། ཆོ་ག་རྣམ་གསུམ་བསྐྱེད་པ་དང་།། འགྲོ་བའི་སྒྲིབ་པ་སྦྱང་བ་དང་།། སྐུ་གསུང་ཐུགས་ནི་རྟོགས་བྱ་དང་།། དཀྱིལ་འཁོར་ལྷ་རྣམས་བརྟན་བཞུགས་ཕྱིར།། དམ་པ་འདི་དག་བཤད་པ
98a6 ཡིན།། ཨོཾ་ནི་རྒྱལ་བའི་སྐུ་ཡི་མཆོག། ཧཱུཾ་ནི་རྒྱལ་བའི་ཐུགས་ཀྱང་ཡིན།། སྭཱ་ནི་རྒྱལ་བའི་ཡོན་ཏན་གཏེར།། ཨཱཿནི་རྒྱལ་བའི་གསུང་སྒྲ་སྟེ།། ཧཱ་ནི་རྒྱལ་བའི་ཕྲིན་ལས་སོ།། ཐམས་ཅད་དེ་བཞིན་གཤེགས་བྱའི
iiif viewer powered by OpenSeadragon
