| e-texts navigator |
| Wylie |
95b1 ཞི་བ་ཟག་པ་མེད་པའི་གནས།། རྒྱལ་བ་དྲང་སྲོང་ཆེན་པོ་རྙེད་པར་དཀའ།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་སེམས་ལུང་ཆེན་པོའི་མདོ་ལས། སྐུ་གསུང་ཐུགས་ལྷུན་གྱིས་གྲུབ་པའི་དཀྱིལ་འཁོར
95b2 གྱི་ལེའུ་སྟེ་སོ་དགུ་པའོ།། །། དེ་ནས་བྱང་ཆུབ་ཀྱི་སེམས་རྡོ་རྗེས་འདི་སྐད་ཅེས་གསོལ་ཏེ།། རྡོ་རྗེ་དམ་ཚིག་རིན་ཆེན་ཅོད་པན་དབང་བསྐུར་བས།། ཡེ་ཤེས་ལྡན་པ་རྣལ་འབྱོར་ཆེན་པོའི་དབང་ཕྱུག་སྟེ།། དེ་བཞིན
95b3 གཤེགས་པའི་ཕྱག་རྒྱ་མཉམ་ཉིད་ཐུགས་ཆུད་སྣ་ཚོགས་མཛད་པ་དེ།། མ་ལུས་སེམས་ཅན་ཡོངས་སུ་བསྐང་བའི་ཕྲིན་མཛད་ཐུགས་རྗེ་ཅན།། རྣམ་པར་སྣང་མཛད་ཆེན་པོ་ལས་གསུམ་མཉམ་ཉིད་ལ་བཞུགས་པ།། སྐུ
95b4 གསུང་ཐུགས་དང་ཐམས་ཅད་མ་ལུས་རྡོ་རྗེ་སྟེ།། བདེ་གཤེགས་ལྷ་ཡི་རྒྱལ་པོ་གཞན་འཕྲུལ་དབང་བྱེད་གནས།། ཁམས་གསུམ་ཐམས་ཅད་མ་ལུས་ཡིད་བཞིན་རིན་ཆེན་སྤྲས་པ་དང་།། དར་གྱི་བ་དན་ཁ་དོག་སྣ
95b5 ཚོགས་དྲིལ་བརྒྱུས་རླུང་གིས་བསྐྱོད་པ་དང་།། མེ་ཏོག་ཕྲེང་བ་རྔ་ཡབ་རྒྱན་ཕྲེང་དང་།། ཆུན་འཕྱང་ཟླ་བ་ཉི་མ་སྦྲུལ་ཆུན་རྣམས་ཀྱིས་མཛེས་བྱས་དང་།། མཐའ་དབུས་མེད་པའི་གནས་ན་དེ་བཞིན་གཤེགས་པ་ཐམས
95b6 ཅད་བཞུགས།། ཡོན་ཏན་ལྡན་པའི་སྲས་དང་ཐབས་གཅིག་སྟེ།། དེ་ལྟར་ཡོན་ཏན་ལྡན་ལ་བདག་ཕྱག་འཚལ།། ལོངས་སྤྱོད་རྫོགས་སྐུ་ཡིད་བཞིན་རིན་པོ་ཆེ།། ས་བཅུའི་རྒྱལ་སྲས་ཆོས་ཀྱིས་ཚིམ་མཛད
iiif viewer powered by OpenSeadragon
