| e-texts navigator |
| Wylie |
95a1 དྲུག་ཐམས་ཅད་དོ།། གདུལ་ཞིང་གླིང་རྣམས་བྱེ་བ་ཕྲག་བརྒྱ་ཡིན།། སྐུ་དགུ་ཐེག་དགུ་བསྟན་ཀྱང་འགྲོ་བའི་དོན་བསྟན་མ་རྟོགས་པ།། ཐེག་པ་དེ་ཀུན་ཡང་དག་ཐེག་ལས་གཞན་ན་ཡོད་མ་ཡིན།། དེ
95a2 བས་ཆོས་ཀུན་རྣམ་དག་ཐེག་པ་གཅིག་རྫོགས་སོ།། འདས་པའི་དུས་རྣམས་སུ་དྲན་དེ་ནི་སངས་རྒྱས་གནས་པ་ཡིན།། ཚད་མེད་བསམ་གྱིས་མི་ཁྱབ་བསྐལ་པ་ན།། དེའི་ཚེ་རྒྱལ་བུ་བྱུང་བ་སྐྱེ་རྒུའི་བུ་ཡི་མཆོག། མཚན
95a3 ནི་ཡེ་ཤེས་བདག་པོ་ཞེས་བྱ་བ།། སྐྱེ་རྒུ་འདྲེན་པ་དེས་ནི་ཆོས་བསྟན་ཏེ།། སེམས་ཅན་བྱ་བ་མཐའ་ཡས་མ་ལུས་འདུལ།། བྱང་ཆུབ་སེམས་དཔའ་བསམ་ཡས་བྱེ་བ་གྲངས་མེད་ཀུན།། ཡང་དག་ཡེ་ཤེས་ཡང་དག
95a4 འཛུད།། འཇིག་རྟེན་མགོན་པོ་དེ་ཡིས་ཆོས་བཤད་པས།། མཐའ་ཡས་ངེས་པར་བསྟན་པ་གསང་སྔགས་མཆོག། རབ་ཏུ་སྣང་བས་འཇིག་རྟེན་ཐམས་ཅད་མཛེས།། སེམས་ཅན་རྣམས་ཀྱིས་ཡང་དག་དོན་ཡང
95a5 སྟོན།། དེ་ལྟར་དེ་ན་རིན་ཆེན་ཞིང་།། དེ་བཞིན་ཁ་དོག་བཻ་ཌཱུརྱ་ཡི་མདོག། སངས་རྒྱས་རང་བྱུང་དེ་དག་ཉིད་ཀྱང་སྣང་།། གསེར་གྱི་མཆོད་སྡོང་ལྟ་བུར་བལྟ་ན་མཛེས།། བཻ་ཌཱུརྱ་ཡི་དབུས་ན་གསེར་གཟུགས
95a6 བཞིན།། འཁོར་གྱི་དབུས་ན་ཆེས་ནི་རབ་ཏུ་གསུངས།། དེ་ལ་འཁོར་ཡང་གྲངས་ཡོད་མ་ཡིན་ཏེ།། བསྐྱོད་པ་མེད་ཅིང་གཡོ་བ་མེད་པར་སྣང་།། བཟོད་གནས་བསམ་གཏན་དགའ་ཞིང་མཉམ་པར་བཞག། ཡང་དག
iiif viewer powered by OpenSeadragon
