| e-texts navigator |
| Wylie |
92b1 རྣམས།། ཕུལ་ཡང་རྒྱལ་བས་ག་ལ་བཞེས།། འཇིག་རྟེན་འདིར་ཡང་ཚེ་ཐུང་ཞིང་།། ཚེ་འདི་ཉིད་ལ་སྡུག་བསྔལ་དག་མྱོང་ནས།། གནད་གཅོད་སྡུག་བསྔལ་མི་བཟད་མྱོང་ནས་ནི།། ཕ་རོལ་དུ་ཡང་དམྱལ་བར
92b2 འགྲོ།། ཐ་ཚིག་སྤྱོད་པ་ཉམས་པ་ཡི།། མི་ཤེས་བྱིས་པས་དངོས་གྲུབ་མི་ཐོབ་བོ།། གལ་ཏེ་དམ་ཚིག་སྡོམ་པ་མ་ཉམས་ན།། དུག་ལྔ་ཉིད་ཀྱང་ཡེ་ཤེས་ལྔ།། མཚན་དང་དཔེ་བྱད་བལྟས་མི་ངོམས།། སངས་རྒྱས་བྱང
92b3 ཆུབ་སེམས་དཔའ་དང་།། དེ་ཡི་འཁོར་ན་གནས་རྣམས་ཀྱིས།། དེ་ལ་རྟག་ཏུ་སྐྱོབ་པར་བྱེད།། མཐོང་ཡུལ་ཚེ་ལ་བདེ་བ་དང་།། རྡོ་རྗེ་གསུམ་ཉིད་རྟག་ཏུ་འཐོབ།། ཐ་ཚིག་སྡོམ་དང་མི་སྡོམ་དང་།། བསྲུང་དང་མི་བསྲུང
92b4 ཕྱོགས་མེད་པར།། མཉམ་ཉིད་སྡོམ་པར་གང་གནས་པར།། མཉམ་པ་ཆེན་པོའི་དམ་ཚིག་སྟེ།། ནམ་མཁའ་ལྟ་བུར་མངོན་ཤེས་ན།། དེ་ནི་ཡང་དག་དམ་ཚིག་སྟེ།། བལྟ་བའི་རྣམ་དག་དམ་ཚིག་མཆོག། དག་པ་ཞི་བ
92b5 གང་བསྲུང་བ།། རྣམ་དག་དམ་ཚིག་ཆེན་པོ་ཡིན།། ཡང་དག་ཆོས་དབྱིངས་ཟབ་མོ་ལ།། བསྲུང་དང་མི་བསྲུང་ག་ལ་ཡོད།། བསྲུང་མེད་ནམ་མཁའ་ལྟར་ཤེས་ན།། དེ་ནི་ཡང་དག་གསང་བའི་དམ་ཚིག་གོ། དེ་ལྟར
92b6 བསྲུང་བ་ཟབ་མོའི་དོན།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་སེམས་ལུང་ཆེན་པོའི་མདོ་ལས། དམ་ཚིག་གི་ལེའུ་སྟེ་སུམ་ཅུ་བརྒྱད་པའོ།། །། དེ་ནས་འཁོར་དེར་འདུས་པ་རྣམས་ཀྱིས།། སྨྲ་བའི
iiif viewer powered by OpenSeadragon
