| e-texts navigator |
| Wylie |
92a1 བྱ།། ཤ་ཁྲག་རྔ་རྗེ་དྲི་ཆེན་ཆུ་དང་བྱང་ཆུབ་སེམས།། བ་ལང་ཁྱི་ཤ་ལ་སོགས་རྟག་ཏུ་བཟའ།། ཨོཾ་དང་ཧཱ་དང་ཨ་རྣམས་ཀྱིས།། དེ་དག་རྟག་ཏུ་སྦྱངས་ལ་བཟའ།། རྡོ་ནི་རྡོ་རྗེའི་དམ་ཚིག་མཆོག། དེས་ནི
92a2 མཆོག་གི་དངོས་གྲུབ་ཐོབ།། འདོད་ཆགས་ཞེ་སྡང་གཏི་མུག་སྤྱོད།། དེས་ནི་རྡོ་རྗེ་མཆོག་གསུམ་འཐོབ།། གཟུགས་སྒྲ་དྲི་རོ་ལ་སོགས་པ།། དེ་མ་ཐག་ཏུ་བསྟེན་གྱུར་ན།། དངོས་གྲུབ་དམ་པ་མྱུར་དུ་འཐོབ།། འདོད་པ
92a3 མ་ལུས་ཀུན་བསྟེན་ན།། དེ་ནི་བྱང་ཆུབ་ཡང་དག་འཐོབ།། འདོད་པའི་ཡོན་ཏན་ཐམས་ཅད་ཀྱིས།། སྐུ་གསུང་ཐུགས་ནི་ཤེས་བྱས་ནས།། བྱང་ཆུབ་སེམས་ནི་མཆོད་པར་བྱ།། དམ་ཚིག་ཅན་རྣམས་ཐམས་ཅད
92a4 ཀྱིས།། དམ་ཚིག་སྡོམ་པ་བསྲུང་བྱས་ན།། མཐོང་བའི་ཚེ་ནི་འདི་ཉིད་ལ།། རྡོ་རྗེ་གསུམ་ནི་འདི་ཡིས་འཐོབ།། མི་ཤེས་གཏི་མུག་ཅན་གྱིས་ཐ་ཚིག་འདས།། དེ་ལ་དངོས་གྲུབ་ཡང་དག་འབྱུང་མི་འགྱུར།། མཛེ་དང
92a5 ཕོལ་མིག་འབྲུམ་བུ་དང་།། རིམས་དང་དུག་དང་ནད་དང་བགེགས།། ཡེ་འདྲོག་བཀའ་ཡི་ཆད་པ་ཡིས།། བསད་ནས་སེམས་ཅན་དམྱལ་བར་འགྲོ།། དེ་བཞིན་གཤེགས་དང་རིན་ཆེན་པདྨ་ལས་ཀྱི་རིགས།། དེ་བཞིན
92a6 སངས་རྒྱས་བྱང་ཆུབ་དང་།། འཕགས་པ་རྣམས་ཀྱིས་སྐྱོབ་མི་མཛད།། བྱིན་གྱིས་ཀྱང་ནི་མི་བརླབ་སྟེ།། རང་བཞིན་འཕགས་པ་ཐམས་ཅད་ལ།། རིན་ཆེན་ཕྲེང་བ་ལ་སོགས་དང་།། མེ་ཏོག་བདུག་སྤོས་ལ་སོགས
iiif viewer powered by OpenSeadragon
