| e-texts navigator |
| Wylie |
91b1 ཏིང་འཛིན་མཉམ་པར་གནས།། ཡོན་ཏན་ལྷུན་གྲུབ་ཏིང་འཛིན་མཉམ་པའི་ཚུལ།། ཡིད་བཞིན་ནོར་བུ་རིན་ཆེན་འབར་བའི་འོད།། གཟི་མདངས་འོད་ལྡན་ཉི་མ་འབུམ་གྱི་གཟི།། བདག་མེད་མཉམ་སྙོམས་ནམ
91b2 མཁའི་ངང་།། ཞི་བ་ཆེན་པོ་ཆོས་ཀྱི་སྐུ།། རྣམ་དག་ལྷུན་གྲུབ་བརྡལ་བ་ཆེ། ཀུན་ཁྱབ་རང་བཞིན་ངང་གིས་གསལ།། སྡུག་བསྔལ་རྒྱ་མཚོ་དག་པའི་ཚུལ།། མ་བཅོས་བྱང་ཆུབ་དེ་བཞིན་གནས།། ཆོས་སྐུ་རྣམ་དག་ཞི
91b3 བའི་ཚུལ།། བདེ་དང་ལྡན་པས་རྣམ་རྟོག་བྲལ།། དྲི་མ་རྣམ་དག་ཆོས་ཀྱི་སྐུ།། མི་འགྱུར་མི་ཤིགས་རྡོ་རྗེ་ཅན།། མི་གཡོ་མི་འགུལ་ནམ་མཁའ་འདྲ།། ཞི་བ་ཆེན་པོ་དེ་བཞིན་ཉིད།། དེ་ལྟར་འཛིན་པས་གཟུང་འཛིན།
91b4 གཡུལ་ལས་རྒྱལ།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། མཚན་མ་དང་སྟོང་པ་མི་དམིགས་པའི་ལེའུ་སྟེ་སུམ་ཅུ་བདུན་པའོ།། །། དེ་ནས་འཁོར་དེར་འདུས
91b5 པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ།། དམ་ཚིག་གི་སྡོམ་པ་ཇི་ལྟ་བུ་ལགས།། སེམས་དཔའ་དམ་པས་བཀའ་སྩལ་པ།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་སྤང་མི
91b6 བྱ།། མ་བྱིན་པར་ཡང་བླང་བར་བྱ།། རྫུན་གྱི་ཚིག་ཀྱང་སྨྲ་བར་བྱ།། མི་ཚངས་པར་ཡང་སྤྱད་པར་བྱ།། བྲམ་ཟེ་དག་ཀྱང་གསད་པར་བྱ།། ཕྲ་མའི་ཚིག་ཀྱང་སྨྲ་བར་བྱ།། བརྣབ་སེམས་གནོད་སེམས་བསྐྱེད་པར
iiif viewer powered by OpenSeadragon
