| e-texts navigator |
| Wylie |
90b1 སོགས་ཀུན་ནི་བཏགས་པར་ཤེས་པར་བྱ།། ཅེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཡེ་ཤེས་དག་པའམ་བསྒོམ་པའི་ལེའུ་སྟེ་སུམ་ཅུ་དྲུག་པའོ།། །། དེ་ནས་འཁོར
90b2 དེར་འདུས་པ་རྣམས་ཀྱིས་ཆོས་མཆོག་ཆེན་པོ་ལ་འདི་སྐད་ཅེས་གསོལ་ཏོ།། ཅི་ཡང་མི་དམིགས་སྟོང་པའི་མཚན་ཉིད་དང་།། དངོས་པོ་རྣམ་པར་དག་པའི་དོན་གང་ལགས།། ཆོས་མཆོག་བྱང་ཆུབ་སེམས་དཔས
90b3 བཀའ་སྩལ་པ།། བདེ་བ་གང་ཡང་མི་སྤྱོད་དག་པ་ཡིན་པའི་ཕྱིར།། ཕྱིན་ཅི་ལོག་དང་ཡང་དག་གཉིས་མེད་དོ།། སྤྱོད་པ་མ་ལུས་བཀག་པ་སྤྱོད་པའི་མཆོག། ཆོས་ཉིད་མི་དམིགས་དག་པ་ཆེན་པོ་བྱང་ཆུབ
90b4 སེམས།། བྱང་ཆུབ་སེམས་ནི་མཐའ་དང་མཐའ་མེད་མི་སྤྱོད་དོ།། ཡོད་མེད་མི་རྟོག་དབུས་ཀྱང་རྗེས་སུ་མི་མཐོང་ངོ་།། དབུས་རྣམས་ཡོད་ན་མཐའ་ཡང་ཡོད་པར་འགྱུར།། མཐའ་དབུས་འབྱེད་ན་སྐྱོན་ཡིན་ནོ།། ཇི
90b5 ལྟར་དཔེར་ན་ནམ་མཁའ་ལ།། མཐའ་དབུས་རྣམ་པར་མི་རྟོག་ལྟར།། ཆོས་ཉིད་ཞི་ལ་རྟག་དང་ཆད་པ་མེད།། ཆོས་ཉིད་ལ་ནི་གཟུགས་སུ་མཐོང་།། ཆོས་ཉིད་ལ་ནི་སྒྲར་ཤེས་པ།། ལོག་པར་ཤེས་དེས་ཞི་མི
90b6 མཐོང་།། ཆོས་ཉིད་དུ་ནི་སངས་རྒྱས་བལྟ།། འདྲེན་པ་རྣམས་ནི་ཆོས་ཀྱི་སྐུ།། ཆོས་ཉིད་རིག་པར་མི་རུང་སྟེ།། སྐྱེ་བ་མེད་ལ་བཟོད་པ་རབ་ཏུ་ཐོབ།། བསོད་ནམས་ཕུང་པོ་མང་དུ་བདེ་བསྐྱེད་དོ།། རང་བཞིན་མེད་པའི
iiif viewer powered by OpenSeadragon
