| e-texts navigator |
| Wylie |
90a1 བའི་སྐྱོན་དུ་ཡང་མི་འཆིང་།། མྱ་ངན་ལས་འདའ་ཡང་དག་བླང་དོར་མེད།། འཕེལ་འགྲིབ་སྐྱེ་འགག་བསམ་པ་ཡི།། ཆོས་ལའང་མི་སྨོན་ཡང་དག་སྒོམ་པའོ།། འདས་དང་མ་འདས་ད་ལྟ་རབ་དང་ཐ
90a2 མར་བར་ལ་མ་ཆགས་ཤིང་།། དེ་ལྟར་བསྒོམས་ན་ཡང་དག་སྒོམ་པ་ཡིན།། ཨེ་ཨེ་མ་ཧོ་གཟུང་དུ་མ་མཆིས་སངས་རྒྱས་ཆོས་རྣམས་མཆོག་ལགས་སྟོང་པ་མངོན་རྫོགས་སྐུ།། བཅོམ་ལྡན་དེ་ལྟར་བསྒོམས་ན་ཡང་དག
90a3 ཟབ་དོན་རྣལ་འབྱོར་བསྒོམ་པ་ཡིན།། འབྱུང་བ་ལྟར་གནས་དེ་བཞིན་ཏེ།། ཆོས་གང་གནས་མེད་གནས་ཀྱང་དེ་ཡིན་ཏེ།། བསམ་གྱིས་མི་ཁྱབ་སྐྱེ་མེད་ཆོས་ཀྱི་དབྱིངས།། དབྱིངས་ནི་བདེ་ལྡན་གཉིས་མེད་དེ་དག་སྐུ
90a4 ཡི་མཆོག། ཤེས་པ་མེད་པ་དེ་ནི་སངས་རྒྱས་ཀུན་གྱི་ཡེ་ཤེས་སོ།། གང་ཚེ་ཡེ་ཤེས་དེ་ནི་དོན་དམ་ཡེ་ཤེས་ཏེ།། ཆགས་མེད་ཡེ་ཤེས་དེ་ལ་དངོས་པོ་མེད།། ཡུལ་མེད་མ་ཆགས་ཡེ་ཤེས་དེ་ནི་གནས་མེད་དོ།། གང་ཚེ
90a5 རྟེན་མེད་མ་ཐོབ་སྐྱེ་མེད་ཡང་དག་ཞི།། ཆོས་དབྱིངས་ཡེ་ཤེས་ལ་ནི་སྐྱོན་ཡོན་གཉིས་མེད་དོ།། གང་གིས་དེ་ལྟར་ཤེས་པ་མི་དམིགས་སངས་རྒྱས་ཡེ་ཤེས་སོ།། སྐྱེ་མི་སྐྱེ་དང་མི་དམིགས་ཡེ་ཤེས་ནུབ་དང་མ་ནུབ
90a6 མེད།། རྟག་དང་ཆད་དང་འདྲ་དང་མི་འདྲ་མེད་པས་ཡེ་ཤེས་ནམ་མཁའ་འདྲ།། མ་བསྒྱུར་མ་བཅོས་ཡེ་ཤེས་དྲང་པོར་གནས།། འདོད་ཆགས་ཞེ་སྡང་གཏི་མུག་མི་རྟོག་ཡེ་ཤེས་དམ་པ་ཡིན།། སྔགས་དང་ཕྱག་རྒྱ་ལ
iiif viewer powered by OpenSeadragon
