| e-texts navigator |
| Wylie |
8a1 པར་འཐོན་ཏེ་འདི་སྐད་ཅེས་གླེང་ངོ་།། ཨེ་མའོ་སངས་རྒྱས་ཐམས་ཅད་ཀྱི།། ཆོས་ཀུན་དག་པ་བདག་མེད་པ།། ནམ་མཁའི་ངང་དུ་རབ་སྦྱོར་བས།། ནམ་མཁའི་ཚུལ་འདི་བརྟན་པའོ།། ཞེས་གསུངས
8a2 ཏེ། ཡུམ་ཀུན་ཏུ་བཟང་མོའི་སྐུ་གསུང་ཐུགས་རྡོ་རྗེ་ལ་ཐིམ་སྟེ། རྡོ་རྗེ་འཛིན་པའི་སྐུ་ལ་འཁྲིལ་བའི་ཚུལ་གྱིས་བཞུགས་སོ།། དེ་ནས་བརྟན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང
8a3 དང་ཐུགས་རྡོ་རྗེ་ལས་སའི་གསང་བའི་སྙིང་པོ་འདི་ཕྱུང་ངོ་།། ལཾ་དེ་ཥ་ར་ཏི། འདི་ཕྱུང་མ་ཟག་ཏུ་རྡོ་རྗེ་དབྱིངས་ཕྱུག་མའི་སྐུ་དང་གསུང་དང་ཐུགས་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན
8a4 ཏེ། འདི་སྐད་ཅེས་གླེང་ངོ་།། ཨེ་མའོ་སངས་རྒྱས་ཐམས་ཅད་ཀྱི།། ཆོས་ཀུན་བརྟན་པའི་བདག་ཉིད་དེ།། སྲ་བརྟན་དང་དུ་རབ་སྦྱོར་བས།། སྲ་བརྟན་ཚུལ་དུ་བརྟན་པའོ།། ཞེས་གསུངས་ཏེ། སྣང་མཛད་སེམས་དཔའི
8a5 སྐུ་ལ་དགྱེས་པའི་ཚུལ་གྱིས་བཞུགས་སོ།། དེ་ནས་ཡང་སྡུད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཆུའི་གསང་བའི་སྙིང་པོ་འདི་ཕྱུང་ངོ་།། མཾ་མོ་ཧ་ར་ཏི། འདི
8a6 ཕྱུང་མ་ཐག་ཏུ་རིན་ཆེན་དབྱིངས་ཕྱུག་མའི་སྐུ་གསུང་ཐུགས་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ། འདི་སྐད་ཅེས་གླེང་ངོ་།། ཨེ་མའོ་སངས་རྒྱས་ཐམས་ཅད་ཀྱི།། ཆོས་ཀུན་སྡུད
iiif viewer powered by OpenSeadragon
