| e-texts navigator |
| Wylie |
88b1 དམིགས་ནམ་མཁའི་ངང་ཚུལ་ཞི་བས་བདེ་བའི་དོན།། སྐྱེས་བུས་རྨི་ལམ་རྨིས་ཀྱང་རྨི་ལམ་རང་བཞིན་བསྟན་ཀྱང་རྨི་ལམ་རང་བཞིན་བཤད་པ་མེད།། དེ་ཕྱིར་རྨི་ལམ་ཉིད་ཀྱང་མེད་ན་རྨི་ལམ་རང་བཞིན་བསྟན་པ་ག།
88b2 ལ་ཡོད།། དེ་བཞིན་ཆོས་ཉིད་བསྟན་ཀྱང་ཆོས་ཉིད་ལ་ནི་དངོས་པོ་མེད།། འདི་ལྟར་སྐྱེས་བུས་སྒྱུ་མ་མཐོང་བའི་སྒྱུ་མའི་རང་བཞིན་བསྟན་ཀྱང་ངོ་བོ་ཉིད་ཀྱིས་ག་ལ་ཡོད།། དེ་བཞིན་ཟབ་མོ་བསྟན་ཀྱང་ཟབ་མོའི་རང
88b3 བཞིན་དངོས་བྲལ་ཏེ།། མིག་ཡོར་མཐོང་བའི་སྐྱེས་བུས་མི་གཡོར་བསྟན་ཀྱང་དངོས་པོ་ཡོད་མ་ཡིན།། དེ་བཞིན་ཆོས་སྐུའི་རང་བཞིན་བསྟན་ཀྱང་དངོས་པོ་མཐོང་བ་མེད།། ཇི་ལྟར་སྨིག་རྒྱུ་མཐོང་བའི་དངོས་པོ་དེ་ལ
88b4 ངོ་བོ་ག་ལ་ཡོད།། དེ་བཞིན་རྟོག་བྲལ་ཟབ་མོ་དམིགས་མེད་ཡང་དག་རྟོགས་པར་དཀའ།། ཇི་ལྟར་བྲག་ཆའི་སྤྱོད་ཡུལ་སྒྲ་ཐོས་དེ་ནི་མི་མཐོང་བ།། བདག་གི་སྒྲ་བྱུང་དེ་ཚེ་སྒྲ་དེ་ཐོས།། དེ་ཚེ་ཆོས་ཉིད་ཟབ་མོ་བསྟན
88b5 པའི་ཚིག་ཐོས་ཆོས་གང་བསྟན་པ་ཐོབ་འགྱུར་མངོན་བཤད་དེ་ཚེ་ཀུན་ཤེས་རང་བཞིན་མེད་དེ་ཐོས་པས་ལམ་དུ་གྱུར།། དབུ་བ་རྡོས་པའི་རང་བཞིན་སྟོང་ཡང་དབུ་བའི་རང་བཞིན་ཕྱི་ནང་མི་དམིགས་བསྟན་པའི་རང
88b6 བཞིན་དམིགས་པར་ག་ལ་འགྱུར།། དེ་བཞིན་ཆོས་ཉིད་ཟབ་མོ་སྟོན་ཀྱང་རང་བཞིན་མི་དམིགས་ཆོས་གང་མངོན་པར་གྲུབ་པའང་ཉེ་བར་མི་འགྲོའོ།། ཆུའི་ཆུ་བུར་སྟོན་ཀྱང་ཆུའི་ཆུ་བུར་རང་བཞིན་མེད་ན་ཆུ་བུར་ངོ།
iiif viewer powered by OpenSeadragon
