| e-texts navigator |
| Wylie |
83b1 འབྱོར་ཡང་དག་དམ་པའི་གནས།། གཡོ་དང་མི་གཡོ་ཐ་སྙད་མི་གནས་གནས་ལའང་གནས་པ་མེད།། སྣང་མེད་དབུ་མའི་ལམ་དེ་བྱང་ཆུབ་སེམས་ཞེས་བདེར་གཤེགས་གསུངས།། བྱ་མེད་མི་གནས་མ་སྐྱེས་ཞི་བ
83b2 ང་གི་རྫོགས་པ་བྱང་ཆུབ་སེམས་ཞེས་རྒྱལ་བ་ཀུན་གྱིས་རབ་ཏུ་བསྔགས།། བྱང་ཆུབ་ཀུན་རྫོགས་ཆོས་ཉིད་མཉམ་པར་ལྷུན་གྲུབ་ཡང་དག་དོན་བསྒོམ་ཏིང་འཛིན་མཆོག། དེ་བཞིན་ཆོས་ཉིད་མི་འགྱུར་སྟོང་པ་དམ
83b3 པ་དངོས་བྲལ་བས།། གཟུགས་དང་མཚན་མ་སྨོན་པར་འཛིན་པ་རབ་ཏུ་སྤངས་ནས་སུ།། རྣམ་ཐར་གསུམ་པོ་སྒོམ་པ་བདུད་ཀྱི་ལམ་ཡིན་གཟུགས་ལ་སོགས་པ་སྟོང་པའོ།། དོན་དམ་ཡང་དག་དམིགས་བྲལ་སེམས
83b4 ཉིད་རྒྱལ་བ་ཀུན་གྱི་ཡབ་གྱུར་ཐམས་ཅད་འབྱུང་བའི་རྒྱུ།། བླང་མེད་སྤང་མེད་སྤང་ལེན་བདུད་ཀྱི་ལམ་སྟེ་དོན་དམ་ཞི་བ་བདེན་དང་བྲལ།། འཁོར་བའི་ལམ་གསུམ་སྤངས་ཤིང་མྱ་ངན་འདས་ལ་མ་སྒོམ་པ་ཡང
83b5 བདུད་ཀྱི་ལས་ཉིད་དེ།། དེ་ཉིད་རང་བཞིན་བཙལ་སྤོངས་གར་མི་གནས།། དུག་གསུམ་ངོ་བོ་རྣམ་པར་དག་པའི་ལྷུན་གྲུབ་སྐུ་གསུང་ཟུགས།། འཕགས་པ་ཀུན་གྱི་ཡུལ་དང་གནས་ཀྱང་འདས་སོགས་ལམ་ཉིད་གཞན
83b6 ན་མེད།། ལྡང་དང་མི་ལྡང་ཆེད་དུ་མི་སྤང་སེམས་རྟེན་མི་འཆའ་མངོན་དུ་མིན།། བདེ་ལྡན་ཡེ་ཤེས་བྱང་ཆུབ་ཟབ་མོ་རྙེད་དཀའ་རྡོ་རྗེའི་རྩེ་ཡིན་ཏེ།། ཞི་བ་ཆེན་པོ་ཀུན་སྙོམས་འདུས་མ་བྱས།། སྒོམ་པའི་ས་མི་རྙེད་ཕྱིར
iiif viewer powered by OpenSeadragon
