| e-texts navigator |
| Wylie |
82b1 གནས་ཞི་བའི་ངང་།། བསོད་ནམས་མང་འཕེལ་བྱང་ཆུབ་མཆོག་འདི་ཐམས་ཅད་ཀུན་གྱི་ཡུལ་དུ་གྱུར།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རྣམ་རྟོག་ཞི་བར་བྱ།
82b2 བའི་ལེའུ་སྟེ་སུམ་ཅུ་གསུམ་པའོ།། །། དེ་ནས་འཁོར་དེར་འདུས་པ་རྣམས་ཀྱིས་སེམས་དཔའ་དམ་པ་ལ་འདི་སྐད་ཅེས་གསོལ་ཏོ།། ཆག་རྦད་ཡང་།། སེམས་དཔའ་དམ་པས་བཀའ་སྩལ་པ།། ཁམས་གསུམ་ལས་འདས
82b3 ཡོན་ཏན་རིན་ཆེན་གཏེར་གྱི་མཛོད།། མི་རྟོག་ཞེན་ཆགས་མཉམ་ཉིད་ངང་དུ་ཞི།། གཟུང་འཛིན་རྟོག་བྲལ་ཞི་བའི་ཕྱིར།། དེ་ཕྱིར་བྱང་ཆུབ་མཚན་ཉིད་མེད་ཅིང་བླང་དོར་མེད།། དོན་དེའི་ཚུལ་གྱིས་དོན་དམ་རྣམ
82b4 གྲངས་སྐྱེ་འགག་མེད་དང་མཉམ་ཉིད་དང་།། གཉིས་མེད་བསམ་འདས་སྟོང་ཉིད་ཆོས་དབྱིངས་བརྗོད་དང་ཐ་སྙད་བྲལ་ལ་སོགས།། ཡང་དག་བསྟན་པ་དེ་ཀུན་དོན་དམ་མེད་ཅིང་ཀུན་སྒྲིབ་མེད།། གཞན་པ་ཐམས
82b5 ཅད་སྤངས་ནས་འདི་འདྲའི་དོན་ནི་ཤིན་ཏུ་ཐོབ་དཀའི་ཕྱིར།། ཡང་དག་ཟབ་མོ་མོས་པས་རྙེད་པ་ཤིན་ཏུ་དཀའ།། དཔེར་ན་ཇི་ལྟར་ལ་ལ་ཆུ་འདོད་སྐམ་སར་ཁྲོན་པ་བརྐོས་ཀྱང་ཕྱི་ཕྱིར་ཆུ་ནི་རབ་ཏུ་དཀོན།། དེ་ལྟར
82b6 བྱིས་པས་དོན་ཉིད་མི་ཤེས་པས།། དོན་འདི་མི་ཤེས་པས་ནི་སངས་རྒྱས་ཡེ་ཤེས་རྙེད་པར་དཀོན།། དོན་དམ་ཚུལ་གྱིས་ལམ་འདི་ཉིད་ནི་འདི་འདྲ་ཅེས་པའང་ཀུན་སྒྲིབ་ཡིན།། ཐེ་ཚོམ་ཡོད་མེད་ཆོས་ནི་གང་ལའང
iiif viewer powered by OpenSeadragon
