| e-texts navigator |
| Wylie |
81a1 མཆོག་ཏུ་བདེ་བ་དེ།། ཤེས་པ་དུ་མ་རྣམ་པ་སྣ་ཚོགས་སྐྱེ་བར་མཐོང་བས་ཡང་དག་འཁྲུལ།། ཤེས་ཤིང་རིག་པས་རིས་སུ་གཅིག་པས་རིགས་ལ་དུ་མ་མེད།། སེམས་ཀྱིས་རྣམ་པ་སྣ་ཚོགས་དུ་མ་འབྱུང
81a2 བའི་ཕྱིར།། དེ་ཕྱིར་སེམས་ཀྱི་སྐད་ཅིག་མ་དེ་ལུས་དང་ཆོས་སྐུ་གནས།། སྔོན་དང་ཕྱི་མ་ད་ལྟར་སེམས་ཀྱི་ཆོས་ཀུན་གཅིག། དེ་ཕྱིར་སེམས་ལ་བསམ་བཞིན་ཕྱི་མ་དེས་འབྱུང་དེ་ལ་སྣང་།། དངོས་པོ་མ་སྤངས་དེ
81a3 བཞིན་ཉིད་ནི་ག་ལ་མཐོང་།། རྣམ་དག་གྲོལ་གཞི་འདི་ལ་སེམས་ཀྱི་རྣམ་པ་འབྱུང་།། རང་སེམས་རྒྱུད་ལས་འཕགས་པ་སྐྱེ་བོ་ཆོས་ནི་གཞན་ན་ཡོད་མ་ཡིན།། འདི་ལྟར་དགེ་དང་མི་དགེ་ལུང་མ་བསྟན་པའི་ཆོས
81a4 རྣམས་ཀུན།། དེ་དག་སེམས་ཀྱི་རྣམ་པ་ཡིན།། རྒྱུད་དྲུག་རིགས་ལ་སྣ་ཚོགས་དེ་ལའང་།། དེ་དག་འགྲོ་དྲུག་དེ་བཞིན་ནོ།། ཕྱོགས་བཅུ་གང་ནའང་སེམས་ནི་དངོས་པོ་ཡོད་མིན་ཕྱིར།། དེ་ཕྱིར་སེམས་རྒྱུད་དེ་ནི་ཕྱོགས
81a5 ཀྱང་ཅུང་ཟད་མེད་པས་གཅིག་ལ་རྟེན་མེད་དེ།། དེ་ཕྱིར་ཕྱོགས་མེད་ཕྱིར་ན་མཐའ་ཡས་ཞིང་ཁམས་བདག་གི་ལུས།། བདག་གི་ལུས་ནི་མཐའ་ཡས་ཞིང་དང་སྐྱེ་བའི་ལུས་སུ་རང་སྣང་ལ།། སེམས་དང་བག་ཆགས་ཐ
81a6 ད་མ་ཡིན་ཅིག་མིན་བརྟག་པར་རབ་ཏུ་དཀའ།། འདི་ལ་སྣང་ཕྱིར་རྟེན་ཅིང་འབྲེལ་བ་རྣམས་གསུངས་པ།། མ་རིག་ལ་སོགས་རྟེན་ཅིང་འབྲེལ་འབྱུང་ཆོས་རྣམས་ཀུན།། འདི་ཀུན་རྟེན་ཅིང་འབྲེལ་འབྱུང་ཚུལ་ཏེ་སྐྱེ
iiif viewer powered by OpenSeadragon
