| e-texts navigator |
| Wylie |
7b1 པའི།། དམ་ཚིག་གསུང་ནི་དགའ་བའོ།། ཞེས་གྲགས་སོ།། དེ་ནས་སྙིང་པོ་ཡི་གེ་དེ་ཉིད་འཕྲོ་བ་དང་འདུ་བ་ལས་ཐུགས་ཀྱི་མཚན་མ་རལ་གྲི་ལྟ་བུར་གནས་པར་གྱུར་ཏོ།། དེའི་ཚེ་རལ་གྲི་དེ་ལས་ཆོ་འཕྲུལ་གྱི་སྒྲ་འདི
7b2 སྐད་ཅེས་གྲགས་སོ།། ཨེ་མའོ་དམ་ཚིག་ཀུན་གྱི་ཐུགས།། མཐའ་རྣམས་གཉིས་ལ་མི་གནས་ཤིང་།། ཉོན་མོངས་དྲ་བ་གཅོད་པར་བྱེད།། ལས་ཀྱི་ཐུགས་ནི་བརྟན་པའོ།། ཞེས་གྲགས་སོ།། དེ་ནས་ཐུགས་མཚན་དེ
7b3 ཉིད་འཕྲོ་བ་དང་འདུ་བ་ལས་ལས་ཀྱི་སེམས་དཔའི་སྐུ་གསུང་ཐུགས་སུ་སྦྱོར་བའི་ཐབས་ཀྱི་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེངས་སོ།། ཨེ་མའོ་ང་ནི་རང་བྱུང་སྟེ།། དམ་ཚིག་མཚན
7b4 མ་ཞེས་སུ་བྱ།། ཀུན་གྱི་བྱ་བ་བྱེད་པ་པོ།། ལས་ཀྱི་ཕྱག་རྒྱ་བརྟན་པ་པོ།། ཞེས་གསུངས་ཏེ། ཨ། ཞེས་བརྗོད་ཅིང་གཡོན་ཕྱོགས་སུ་བཞུགས་སོ།། རྡོ་རྗེ་འཁོར་ལོ་རིན་ཆེན་དང་།། པདྨ་རལ་གྲི་མཚོན་ཆ་ལྔ།། ཅི
7b5 འདོད་ལས་རྣམས་འགྲུབ་པར་འགྱུར།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། ཆོས་ཐམས་ཅད་ནམ་མཁའ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང
7b6 དང་ཐུགས་རྡོ་རྗེ་ལས་ནམ་མཁའི་གསང་བའི་སྙིང་པོ་འདི་ཕྱུང་ངོ་།། མུཾ་དྷ་ཏཱི་ཤྭ་རཱི། འདི་ཕྱུང་མ་ཐག་ཏུ་ཡུམ་དབྱིངས་ཕྱུག་མའི་སྐུ་དང་གསུང་དང་ཐུགས་སུ་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན
iiif viewer powered by OpenSeadragon
